1~Samuel 3:1 - CHUYA QELLQA La Biblia en Quechua de Ayacucho 2012

¹ Samuelmi warmallaraq kachkaspan sacerdote Eliyta yanapaspan Tayta Diosta servirqa. Chay punchawkunapiqa Diosqa manañam pitapas ancha rimapayarqañachu, nitaqmi pimanpas revelarqañachu.

Quechua Ayacucho Bible 1987

¹ Samuelmi warmallaraq kachkaspan sacerdote Eliyta yanapaspan Tayta Diosta servirqa. Chay tiempokunapim Tayta Diosqa manaña ancha pitapas rimapayarqachu imam munasqanmanta. Manam pimanpas imatapas revelarqañachu.

Chuya Qellqa 1992

¹ Samuelmi warmallaraq kachkaspan sacerdote Eliyta yanapaspan Tayta Diosta servirqa. Chay punchawkunapiqa Diosqa manañam pitapas ancha rimapayarqañachu, nitaqmi pimanpas revelarqañachu.

1~Samuel 3:1 Iomraidhean Croise

Proverbios 29:18

Diospa rimariynin mana kaptinqa llaqtapas huchamanmi qokurun, kamachikuyta kasukuqkunam ichaqa ancha kusisqa kanqaku.

Isaías 13:12

Llapa runakunatam asllayarachisaq, Ofir lawpi suma-sumaq qorimantapas aswantaraqmi asllayarachisaq.

Ezequiel 7:26

Paykunamanqa sasachakuymi manaña tukuyta chayamunqa, mana allin willakuykunam ñataq-ñataq chayamunqa. Yanqapaqmi profetatapas maskanqaku Diospa kaqta imallatapas willananpaq, yachachikuq sacerdotekunapas manañam kanqachu, allin consejakuq ancianokunapas manañam kanqachu.

1~Samuel 2:11

Chaymantam Elcanaqa Ramá llaqtapi wasinman kutikurqa; Samuelñataqmi sacerdote Eliywan qeparurqa Tayta Diosta servinanpaq.

1~Samuel 2:18

Samuelñataqmi linomanta efodwan pachasqa Diosta serviq. Payqa karqa warmallaraqmi.

1~Samuel 2:35

Ñoqam ichaqa allin sacerdoteyta akllakusaq sonqoyman hinaspa munasqayman hina ruwaqta, mirayninpas allin takyaqmi kanqa; sapaqchakusqay reytam sapa punchaw servinqa.

1~Samuel 2:36

Chaymi pipas aylluykimanta kawsasparaq qepaqqa, ñawpaqninpi qon-qorakuykuspan ninqa: “Ama hina kaspaykiyá asllaña pagawanayki kaptinpas otaq parten tantallaña qowanayki kaptinpas, sacerdotekunaman hina llamkayta qoykullaway, chaynapi asllatapas mikunaypaq”, nispa.

1~Samuel 3:15

Chaymantam Samuelqa achikyanankama puñururqa, hinaspam Tayta Diospa wasinpa punkunta kicharqa. Samuelmi manchakurqa imam uyarisqankunata sacerdote Eliyman willaykuyta.

1~Samuel 3:21

Kaqllamantam Tayta Diosqa Silo llaqtapi rikuriykurqa. Chaypim Samuelta rimapayaspan reqsichikurqa, hinaptinmi Samuelñataq Israelpa mirayninkunaman willarqa.