1~Samuel 29:3 - CHUYA QELLQA La Biblia en Quechua de Ayacucho 2012

³ Hinaptinmi filisteokunapa kamachiqninkuna rey Aquista tapurqaku: ¿Imatataq wak hebreo runakuna kaypi ruwachkanku? nispanku. Chaymi rey Aquis nirqa: Israelpa reynin Saulpa yanapaqnin Davidmi, payqa unayñam ñoqawan yachan. Tupasqayku punchawmantapunim paypiqa mana imatapas tarirqanichu, nispa.

Quechua Ayacucho Bible 1987

³ Filistea runakunapa kamachiqninkunam Rey Aquista tapurqaku: —¿Imatataq wak Hebreo casta runakunaqa kaypi rurachkanku? —nispa. Hinaptinmi Rey Aquisñataq nirqa: —Arí, payqa Davidmi. Payqa karqa Israel runakunapa reynin Saulpa yanapaqninmi. Ichaqa unay watakunañam ñoqawan karqa. Tupasqayku punchawmantapunim paypiqa mana tarirqanichu imatapas —nispa.

Chuya Qellqa 1992

³ Hinaptinmi filisteokunapa kamachiqninkuna rey Aquista tapurqaku: ¿Imatataq wak hebreo runakuna kaypi ruwachkanku? nispanku. Chaymi rey Aquis nirqa: Israelpa reynin Saulpa yanapaqnin Davidmi, payqa unaynañ ñoqawan yachan. Tupasqayku punchawmantapunim paypiqa mana imatapas tarirqanichu, nispa.

1~Samuel 29:3 Iomraidhean Croise

Génesis 14:13

Hinaptinmi huk lluptiruq runañataq hebreo casta Abramman willaykamurqa, Amor casta Mamrepa encina sachankunapa kasqanpi yachachkaptin. Mamreqa karqa Escolpa chaynataq Anerpa wawqenmi. Paykunam Abramwan huklla karqaku.

1~Crónicas 12:19

Manasespa wakin mirayninkunapas Davidmanmi hukllawakururqaku, Filistea tropakunawan Saulpa contranpi peleananpaq riptin. Chaywanpas Davidqa manam filisteokunataqa yanaparqachu, Filistea tropakunapi kamachikuqkuna Davidmanta rimanakuspanku “traicionaruwaspanchikmi reynin Saulman hukllawakuykunman” nispa qarqorusqankurayku.

1~Crónicas 12:20

Qarqoruptinku Siclag llaqtaman David kutiruptin, Manasespa mirayninkunamanta hukllawakuqkunam karqaku: Adnas, Jozabad, Jediael, Micael, Jozabad, Eliú hinaspa Ziletai. Paykunaqa karqaku Manasespa tropankunapi kamachikuqkunam.

Daniel 6:5

Chayraykum chay runakuna ninakurqaku: Danieltaqa manam imamantapas acusayta atichwanchu, acusaspaqa acusachwan Diosninpa leyninkunaman hinallam, nispanku.

Juan 19:6

Sacerdotekunapa kamachiqninku-nawan guardiakunañataqmi Jesusta rikuykuspanku qaparirqaku: ¡Chakatay, chakatay! nispanku. Pilatoñataqmi nirqa: ¡Qamkunayá chakatamuychik! Paypiqa manam imatapas tarinichu sentencianaypaq hinaqa, nispa.

Romanos 12:17

Mana allin ruwasuqnikichiktaqa ama chayna mana allinwanqa kutichikuychikchu. Llapa runakunapa qayllanpiqa allin kaqta ruwaychik.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.

1~Samuel 27:1

Davidmi yuyaymanayninpi nirqa: Hukkaqnin punchawtachá Saulqa wañurachiwanqa, chaynaqa filisteokunapa nacionninman ayqekusaq, chaypi kaptiyqa Saulqa manañam maskawanqañachu nitaq Israel runakunapa allpanpipas. Chaynatam paypa makinmanta lluptikusaq, nispa.

1~Samuel 27:7

Davidqa huk wata tawa killanmi Filistea allpapi yacharqa.

1~Samuel 29:6

Chaymi Davidta rey Aquis nirqa: ¡Tayta Diosraykum niki, qamqa mana engañakuq allin qari kasqaykita! Campamen-toykupi allin qawachikusqaykim gustoypaq karqa. Chayamusqayki punchawmantapas qampiqa manam ima pantaytapas tarirqanichu. Ichaqa kamachikuqkunapaqmi mana sonqonkupaq hinachu kanki.

1~Samuel 4:6

Filisteokunañataqmi qaparisqankuta uyariruspanku tapunakurqaku: ¿Imanasqataq hebreo castakunapa campamentonpi chaynataña qaparichkanku? nispanku. Chaymantañam yacharurqaku Diospa contrato ruwasqan Arcata campamentoman aparamusqankuta.