1~Samuel 27:9 - CHUYA QELLQA La Biblia en Quechua de Ayacucho 2012

⁹ Chay llaqtakunaman yaykuspam qaritapas warmitapas mana puchuykuspa wañuchimuqku; hinaspam apakuqku ovejakunata, vacakunata, asnokunata, camellokunata chaynataq pachakunatapas; chaykuna aparisqam rey Aquispa kasqanman kutimuqku.

Quechua Ayacucho Bible 1987

⁹ Chaynatamá Davidqa chay lawpi *f**yachaqkunawan pelearqa. Manam kawsaqtaqa puchuchirqachu qaritapas nitaq warmitapas, apakuqtaqmi ovejakunata, vacakunata, asnokunata, camellokunata chaynataq pachakunatapas hinaspam kutiykuqku Rey Aquispa kasqanman.

Chuya Qellqa 1992

⁹ Chay llaqtakunaman yaykuspam qaritapas warmitapas mana puchuykuspa wañuchimuqku; hinaspam apakuqku ovejakunata, vacakunata, asnokunata, camellokunata chaynataq pachakunatapas; chaykuna aparisqam rey Aquispa kasqanman kutimuqku.

1~Samuel 27:9 Iomraidhean Croise

Génesis 16:7

Lluptikuspanmi chunniqpi pukyuman chayarurqa, chay pukyum Shur lawman riq ñanpi tarikun. Chaypi kachkaptinmi Diospa angelnin tariykurqa,

Génesis 25:18

Ismaelpa mirayninkunam yacharqaku Havilamanta Shur lawkama. Chayqa kachkan Asiriaman rinapim, Egiptopa chimpanpi. Ayllunkunapa cheqnisqan kachkaspankupas chaypim yacharqaku.

Jobwan Sutichasqa Libro 1:3

Karqataqmi qanchis waranqa ovejankunapas, kimsa waranqa camellonkunapas, pichqa pachak pares toronkunapas, pichqa pachak china asnonkunapas hinaspa achka-achka criadonkunapas. Jobqa intipa qespimunan lawpi llapallan runakunamantapas ancha apu-apum karqa.

Éxodo 15:22

Moisesmi Israel runakunata Puka lamar qochamanta Shur sutiyuq chunniqman pasachirqa, kimsa punchawmi chayninta rirqaku, ichaqa manam yakuta tarirqakuchu.

Josué 6:21

Llaqtapi kaqtaqa lliwtam espadawan wañuchirqaku, qaritapas, warmitapas, warmatapas machutapas hinaspa payatapas; wañuchirqakutaqmi vacakunatapas, ovejakunatapas, asnokunatapas.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.

1~Samuel 15:7

Amalec runakunatam Saúl vencerurqa Havila lawmanta qallaykuspa Egipto nacionman yaykuna Shur lawkama.

1~Samuel 15:8

Saulmi Amalec runakunapa reynin Agagta presocharurqa, tropankunatañataqmi espadawan llapallanta wañurachirqa.