1~Samuel 26:5 - CHUYA QELLQA La Biblia en Quechua de Ayacucho 2012

⁵ Chaymantam David pasarqa Saulpa campamento sayachisqanman, hinaspam Saulpa maypim puñusqanta qawarqa, qawarqataqmi maypim llapa tropakunapa kamachiqnin Nerpa churin Abnerpa puñusqantapas. Davidmi yacharurqa Saulqa campamento ukupi soldadonkunapa chawpinpi puñusqanta.

Quechua Ayacucho Bible 1987

⁵ Saulpa campamento sayachisqanman David chayaruspanmi qawarqa Saulpa maypim puñusqanta. Qawarqataqmi maypim Abner puñusqantapas, Abnerqa karqa Nerpa churinmi hinaspapas payqa karqa Saulpa llapallan tropankunapa kamachiqninmi. Davidmi yacharurqa Saulqa campamento ukupi puñusqanta. Chaymi puñuptinmi runankunañataq muyuriqninpi samarqaku.

Chuya Qellqa 1992

⁵ Chaymantam David pasarqa Saulpa campamento sayachisqanman, hinaspam Saulpa maypim puñusqanta qawarqa, qawarqataqmi maypim llapa tropakunapa kamachiqnin Nerpa churin Abnerpa puñusqantapas. Davidmi yacharurqa Saulqa campamento ukupi soldadonkunapa chawpinpi puñusqanta.

1~Samuel 26:5 Iomraidhean Croise

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

1~Crónicas 9:39

Nerpa churinmi karqa Cis, Cispa-ñataqmi Saúl. Saulpa churinkunam karqa: Jonatán, Malquisúa, Abinadab hinaspa Es-baal.

1~Samuel 17:20

Chaymi Davidqa ovejankunata hukman michiykachispan, taytanpa qoqaw apachisqanta aparikuspan tutapayta pasarqa. Campamentoman chayaruptinmi llapa tropakuna guerraman peleaq lloqsinankupaq qaparichkasqaku.

1~Samuel 17:55

Filisteo runawan David peleachkaptinmi, tropankunapa kamachiqnin Abnerta Saúl tapurqa: ¿Pitaq wak warmapa taytan? nispa. Abnerñataqmi nirqa:

1~Samuel 26:4

Chaymi wateqaqkunata David kacharqa chaynapi Saulpa chayaramusqanta cheqaptapuni yachananpaq.

1~Samuel 9:1

Benjaminpa castan ukupim karqa huk allinnin qari-qari Cis sutiyuq runa, payqa karqa Abielpa churinmi, Abielñataqmi Zerorpa, Zerorñataqmi Becoratpa, Becoratñataqmi Afiapa.