1~Samuel 26:21 - CHUYA QELLQA La Biblia en Quechua de Ayacucho 2012

²¹ Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.

Quechua Ayacucho Bible 1987

²¹ Hinaptinmi Saul nirqa: —¡Kuyasqay David, ñoqaqa reqsikunim huchallikurusqayta! ¡Loco hina kaykunata ruraspaymi huk pantayman wichiykuni! Kunan punchawmi makikipiña kachkaptiypas mana wañurachiwarqankichu. Chaynaqa kutikamuyá, manañam wañuynikitaqa maskasaqñachu —nispa.

Chuya Qellqa 1992

²¹ Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.

1~Samuel 26:21 Iomraidhean Croise

2~Reyes 1:13

Huktawanmi rey kacharqa huk capitan-ta pichqa chunka soldadokunatawan, chaymi Eliaspa kasqanman chayaruspan paypa qayllanpi qonqorakuykuspan ruegakurqa: Diospa profetan, ruegakuykim vidallay-tawan kay pichqa chunka serviqnikikunapa vidantayá kuyapayariy.

2~Reyes 1:14

Ñam iskay kutikamaña hanaq pachamanta nina uraykamuspan punta hamuq capitankunatawan pichqa chunka runankunata ruparun. Vidallaykutayá kuyapayariykuy, nispa.

Éxodo 9:27

Chaymi Moisestawan Aaronta qayachispan Faraón nirqa: Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku.

Números 22:34

Hinaptinmi Tayta Diospa angelninta Balaam nirqa: Huchallikurunim. Ñanpi sayaruspa harkawasqaykitaqa manam yacharqanichu, mana allinpaq rikchakapusuptikiqa kutikusaq, nispa.

Mateo 27:4

kaynata nirqa: Huchallikurunim, mana huchayuq runatam wañuchinaykichikpaq qamkunaman entregaykuykichik, nispan. Chaymi paykunañataq nirqaku: ¿Imataq qokuwanku ñoqaykutaqa? ¡Chayqa qampiñam! nispanku.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 15:24

Chaymi Saúl nirqa: Arí, huchallikurunim, Diospa kama-chiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

1~Samuel 15:30

Saulñataqmi nirqa: Huchallikurunim ñoqaqa, ichaqa ama hina kaspaykiyá Israelpi ancianonkunapa qayllanpi, Israel runakunapa ñawpaqninpi reyta hinaraq hatunchaykuway. Chaynaqa, ñoqawanyá kutirisun Tayta Diosnikita yupaychamunaypaq, nispa.

1~Samuel 18:30

Filistea tropa kamachiqkuna sapa kuti peleaq lloqsimuptinkum David vencerariq Saulpa llapallan soldadonkunamantapas aswan mastaraq, chaynapim Davidqa ancha reqsisqa rikurirurqa.

1~Samuel 24:17

Hinaspanmi Davidta nirqa: Ñoqamantaqa qamqa allin ruwaqmi kanki. Qampaq mana allinta munach-kaptiypas allinwanmi kutirachiwanki.

1~Samuel 26:22

Hinaptinmi David nirqa: ¡Reynilláy, kayqaya lanzaykiqa kaypi kachkan! Hukkaqnin serviqnikita kacha-muy apachimunaypaq.

1~Samuel 26:24

Kunan punchawmi qampa vidaykita llumpay valorniyuqpaq qawaykuni, chayna valorniyuqtayá Tayta Diospas qawaykuchun ñoqapa kawsayniyta, hinaspayá tukuy ñakariymanta libraykuwachun, nispa.

1~Samuel 27:4

Saulmi yacharurqa Gat llaqtaman David ayqekusqanta, chaymi manaña maskarqañachu.