1~Samuel 25:5 - CHUYA QELLQA La Biblia en Quechua de Ayacucho 2012

⁵ Chaymi chunka runankunata kacharqa kaynata nispa: Carmel llaqtaman rispa ñoqapa sutiypi Nabalta saludaykamuychik.

Quechua Ayacucho Bible 1987

⁵ Chaymi chunka runankunata kacharqa kaynata nispa: —Nabalpatayá riruychik Carmel llaqta lawman hinaspayá ñoqapa parteymanta saludaykuychik.

Chuya Qellqa 1992

⁵ Chaymi chunka runankunata kacharqa kaynata nispa: Carmel llaqtaman rispa ñoqapa sutiypi Nabalta saludaykamuychik.

1~Samuel 25:5 Iomraidhean Croise

Génesis 43:23

Hinaptinmi chay mayordomo nirqa: Qamkunaqa hawkalla kaychik, ama manchakuychikchu, taytaykichikpa Diosninmi costalnikichikpi pakata hina qoykusurqankichik, qollqekichiktaqa imam kaqtam chaskirqani, nispa. Chaymantam Simeonta paykunaman hurqoramurqa,

1~Crónicas 12:18

Hinaptinmi kimsa chunka soldadokunapa kamachiqnin Amasaiman Tayta Diospa Espiritun huntaykurqa, chaymi pay nirqa: ¡David, ñoqaykuqa qampam kaniku! ¡Isaipa churin, ñoqaykuqa qanwanmi kachkaniku! ¡Hawkayay qanwan kachun! ¡Yanapaqnikikunawanpas hawkayay kachun! ¡Diosnikim yanapasuqnikiqa! nispa. Chaymi paykunata David chaskiykuspan tropankunata kamachinankupaq churaykurqa.

1~Samuel 17:18

Kay chunka quesotañataqmi waranqa soldadokunapa kamachiqninman qoykunki, hinaspam imaynam wawqekikuna tarikusqanta qawamuspayki imallankutapas apamunki, chayta qawaykuspay allinlla kasqankuta yachanaypaq, nispa.

1~Samuel 17:22

Davidñataqmi taytanpa apachisqanta armakuna nanachikuq runaman saqekuykuspan tropakunapa kasqanman yaykururqa, hinaspam wawqenkuna imaynam tarikusqankumanta tapurqa.

1~Samuel 25:4

Chunniqpi kachkaspam David uyarirurqa Nabalqa ovejankuna rutusqanta.

1~Samuel 25:6

Hinaspa nimuychik: “Hawkayay kachun qanwan, aylluykikunawan chaynataq tukuy imayki kaqkunawanpas.