1~Samuel 25:36 - CHUYA QELLQA La Biblia en Quechua de Ayacucho 2012

³⁶ Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.

Quechua Ayacucho Bible 1987

³⁶ Hinaptinmi Abigailqa kutikurqa qosan Nabalpa kasqanman. Chaymi payqa rey hinaraq wasinpi convidota rurakuchkasqa, Nabalqa llumpayta sinkaruspam llumpay kusisqallaña kachkasqa. Chayraykum warmin Abigailqa mana imatapas nirqachu paqarinnintinkama.

Chuya Qellqa 1992

³⁶ Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.

1~Samuel 25:36 Iomraidhean Croise

2~Samuel 13:23

Iskay wata pasaruptinmi, Absalonpa runankuna Efraín llaqtapa hichpan Baal-hazor lawpi ovejankunata rutuchkarqaku, Absalonñataqmi reypa churinkunaman convidarqa.

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

2~Samuel 3:20

Abnermi iskay chunka soldadonkunawan Hebrón llaqtaman chayarurqa, hinaptinmi Davidqa convidota ruwachispan Abnerman chaynataq hamuqmasinkunamanpas mikuchirqa.

1~Reyes 20:16

Chawpi punchawta lloqsiptinkum rey Ben-adadqa kimsa chunka iskayniyuq yanapaqnin reykunawan ramadapi sinkallaña upyachkarqaku.

Proverbios 20:1

Vinoqa runatam manaña penqakuqta ruwan, aqañataqmi yanqakuna rimaqta ruwan; macharuspaqa ima ruwasqantapas manam yuyakunchu.

Eclesiastés 10:19

Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Isaías 28:3

Efraín castapa alabakunan llaqtatam sarupanqa, sinkaruspan coronanmanta hina alabakunan llaqtatam sarupanqa.

Isaías 5:11

¡Ay, imaynaraq kankichik, tutapayta hatarispa upyakuqkuna! ¡Ay, imaynaraq kankichik, sinchi tutakama machakuqkuna!

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Oseas 4:11

Chuchumika warmikunawan kakuspa vinowan aqawan machakusqankuraykum mana yuyayniyuq rikurirunku.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Lucas 14:12

Convidaqnin fariseotapas nirqataqmi: Almuerzopaq otaq cenaypaq convidota ruwaspaykiqa, wawqekitapas, aylluykitapas otaq apu vecinoykitapas ama qayaychu, chaynata ruwaptikiqa yanqañataq paykunapas convidarususpayki kutichipusunkiman.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

1~Samuel 25:19

criadonkunata nirqa: Ñawpachkaychikña, ñoqapas hamuchkaniñam, nispa. Ichaqa chay ruwasqantam qosan Nabalman mana willarqachu.

1~Samuel 25:37

Paqarinnintinpaq Nabal mallaqyaruptinmi warmin Abigail tukuy chaykunata willarqa. Chaymi Nabal hukmanyaruspan kaskitakururqa.