1~Samuel 25:31 - CHUYA QELLQA La Biblia en Quechua de Ayacucho 2012

³¹ amam imamantapas llakikunkichu, nitaqmi sonqoykipas hukmanyanqachu, huchayuq mana huchayuqtapas wañuchispa vengakusqaykimantaqa; chaynaqa tukuy imapi Tayta Dios bendecisuptikipas amam kay serviqllaykitaqa qonqarullawankichu, nispa.

Quechua Ayacucho Bible 1987

³¹ mana imamanta pesakunaykipas kanqachu, manataqmi sonqoykipas hukmanrayanqachu. ¡Allinpunim yanqamanta mana wañuchiynikiqa! ¡Allinpunitaqmi kikillayki mana vengakuynikipas! Chaynaqa Tayta Diospuni tukuy imapi bendecisuptikimá ama qonqarullawankichu kay sirvientaykita —nispa.

Chuya Qellqa 1992

³¹ amam imamantapas llakikunkichu, nitaqmi sonqoykipas hukmanyanqachu, huchayuq mana huchayuqtapas wañuchispa vengakusqaykimantaqa; chaynaqa tukuy imapi Tayta Dios bendecisuptikipas amam kay serviqllaykitaqa qonqarullawankichu, nispa.

1~Samuel 25:31 Iomraidhean Croise

Génesis 40:14

Chayna allinña kaspaykiqa amamá qonqaruwankichu, ama hina kaspaykim rey Faraonta niykapuwanki kay carcelmanta hurqowananpaq.

2~Samuel 22:48

Rantiypim enemigoykunamanta vengakurun, llaqtakunatam chaki plantayman churaykamun.

Lucas 23:42

Chaynata niruspanmi Jesusta nirqa: Jesús, munaychakunaykipaq hamuspaykim yuyarillawanki, nispa.

Romanos 12:19

Kuyasqay wawqe-panillaykuna, ama pitapas vengakuychikchu aswanqa Señorpa makinman churaychik payña castigananpaq. Chuya Qellqapim kaynata nin: “Mana allin ruwaqkunataqa kikiypunim vengakusaq, mana allin ruwasqanman hinam pagapusaq”, nispa.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

1~Samuel 24:15

Tayta Diosyá tanteasqanman hina qamtawan ñoqata juzgawasun. Paytaqyá makikimantapas waqaychawachun, nispa.

1~Samuel 25:30

Chaynaqa, tukuy allinkuna prometesusqaykita Tayta Dios cumplispa Israel runakunata kamachinaykipaq churasuptikiqa,

1~Samuel 25:33

Qamtapas Diosyá bendecisunki allin yachaywan ruwasqaykimanta. Kunanmi harkaykuwanki vengakuspa runakunapa yawarnin chaq-chunaymanta.

1~Samuel 25:40

Davidpa serviqninkunam Carmel lawman rispanku Abigailta kaynata rimapayarqaku: Davidmi qanwan casarakuyta munan, nispanku.

1~Samuel 26:23

Tayta Diosyá allin ruwasqanchikman hina chaynataq hapipakunapaq kasqanchikman hina sapakamaman pagapuwasun. Tayta Dios-puni kunan punchaw makiyman churay-kamuchkaptinpas manam wañurachirqaykichu, qamqa paypa akllakusqan rey kasqaykirayku.