1~Samuel 25:29 - CHUYA QELLQA La Biblia en Quechua de Ayacucho 2012

²⁹ Pipas qati-kachasuspayki wañurachiyta munasuptikiqa, Tayta Diosmi waqaychasunki. Enemigoykikunataqa Diosmi rumita warakachkaq hina warakarunqa.

Quechua Ayacucho Bible 1987

²⁹ Pipas qatikachasuspayki wañurachiyta munasuptikiqa qampa vidaykiqa kanqa yupaychasqayki Tayta Diospa waqaychasqanmi. Enemigoykikunataqa Tayta Diosmi wikaparunqa imaynam rumita warakachkaq hina.

Chuya Qellqa 1992

²⁹ Pipas qatikachasuspayki wañurachiyta munasuptikiqa, Tayta Diosmi waqaychasunki. Enemigoykikunataqa Diosmi rumita warakachkaq hina warakarunqa.

1~Samuel 25:29 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

2~Samuel 4:8

Hebrón llaqtaman chayaruspankum, Is-bosetpa umanta rey Davidman qawachispanku nirqaku: ¡Reynillayku, kayqaya wañuchiy mu-nasuqniki enemigoyki Saulpa churin Is-bosetpa umanqa! Kunanmi ichaqa Saulta chaynataq miraynintapas Tayta Dios vengakurun, nispanku.

Jobwan Sutichasqa Libro 27:22

Mana llakipayarispam paypa contranpi pukunqa, atiyninmanta ayqeyta munaptinpas paypa contranpim pukunqa.

Jeremías 10:18

Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Malaquías 3:17

Tukuy Atiyniyuq Tayta Diosmi nin: Huk punchawtam allichachkani chay-napi paykuna huktawan llaqtay kanan-kupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Deuteronomio 33:29

Israelpa mirayninkuna, ¡mayna kusisqam kankichik! ¿Pitaq qamkuna hinaqa? Tayta Diospa librasqan runakunam kankichik, paymi waqaychaspa yanapaqnikiqa, paymi vencechisuqniki espadaqa. Enemigoykikunam qayllaykipi wichinqaku, qamkunañataqmi paykunata sarupankichik, nispa.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.