1~Samuel 25:26 - CHUYA QELLQA La Biblia en Quechua de Ayacucho 2012

²⁶ Aswanpas Tayta Diosmi harkaykusurqanki, hamuruspayki ya-warta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.

Quechua Ayacucho Bible 1987

²⁶ Tayta Diosrayku hinaspa vidaykurayku juraspam nini: Tayta Diospunich mana munarqachu yawar chaqchuq hamunaykita hinaspa kikikipuni mana vengakunaykita. ¡Tayta Diosyá Nabalta hina castigachun llapallan enemigoykikunatapas chaynataq llapallan mana allin ruray munasuqnikikunatapas!

Chuya Qellqa 1992

²⁶ Aswanpas Tayta Diosmi harkaykusurqanki, hamuruspayki yawarta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.

1~Samuel 25:26 Iomraidhean Croise

Génesis 20:6

Hinaptinmi musqoyninpi Dios nirqa: Yachanim allin sonqowan ruwasqaykita, chayraykum Sarata llapchayllapas llapchaykunaykimanta harkakurqayki, chaynapi contraypi mana huchallikunaykipaq.

2~Samuel 18:32

Hinaptinmi etíope soldadota rey tapurqa: ¿Allinllachu churiy Absalón kachkan? nispa. Etíope soldadoñataqmi nirqa: Chay runa hinayá qam señorniy reypa enemigoykikunapas ruwasqa kachun chaynataq daño ruwasunaykipaq contraykipi llapallan hoqarikuqkunapas, nispa.

2~Reyes 2:2

Hinaptinmi Eliseota Elías nirqa: Tayta Diosmi Bet-el llaqtaman kachawachkan, ama hina kaspaykiyá kayllapi kachkay, nispa. Chaymi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaynapim kuskanku Bet-el llaqtaman rirqaku.

2~Reyes 4:6

Llapa aysakukunaman aceite huntaruptinmi warmanta nirqa: Huk aysakutawan haywamuway, nispa. Chaymi warman nirqa: Manam aysakukunaqa kanñachu, nispa. Chaynata niruptillanmi aceite taniramurqa.

Proverbios 31:12

Payqa kawsanan punchawkamam allinllata ruwaspan qosanta kusichinqa.

Jeremías 29:22

Hinaptinmi Judá nacionmanta Babiloniaman preso apasqa kaqkuna, pitapas ñakaspanku kaynata ninqaku: Tayta Diosyá, ruwasunkichik imaynam Sedequiastawan Acabta hina, paykunatam ninapi kankarurqa Babilonia nacionpa reynin, nispanku.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Hebreos 10:30

Señorpa kayna nisqantaqa yachan-chikmi, paymi nirqa: “Mana allin ruwaqkunatam vengakusaq, mana allin ruwasqanman hinam pagapusaq”, nispa. Huklawpipas kaynatam nichkan: “Señormi llaqtanta juzganqa”, nispa.

1~Samuel 1:26

Chaymi Ana nirqa: Taytay cheqaptapunipas, ñoqam kachkani qampa qayllakipi Tayta Diosta mañakuq warmi.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.

1~Samuel 20:16

Chaynatam Jonatanqa Davidwan contratota ruwarqa.

1~Samuel 20:3

Chaymi David nirqa: Taytaykiqa allintam yachan llumpay amigo kasqanchikta. Chayraykum llakikunaykimanta mana willasunkimanchu. Ichaqa Diosrayku hinaspa qamraykum jurani, ¡ñoqaqa wañuypa patanpiñam tarikuchkani! nispa.

1~Samuel 22:3

Chaymantam Davidqa Moab nacionpi Mizpa llaqtaman rirqa, hinaspam Moabpa reyninta ruegakurqa: Ama hina kaspa qanwan yachananpaq tayta-mamayta chaskiykuy, Diospa imam ñoqawan ruway munasqanta yachanaykama, nispa.

1~Samuel 25:25

¡Taytalláy, ama chay rumi sonqo Nabalpa rimasqantaqa kasuychu! Paytaqa sutinpas rikchayninpas reqsinmi. Payqa mana yuyayniyuq llutan runam. Kay serviqnikiqa manam kacha-musqayki runaykikunataqa rikurqa-nichu.

1~Samuel 25:39

Nabal wañurusqanta yacharuspanmi David nirqa: Tayta Diosyá yupaychasqa kachun, insultawasqanmanta Nabalta wañurachispan, imapas mana allin ruwanaymanta harkaykuwasqanmanta. Tayta Diosmi Nabalman mana allin ruwasqankunata kutirachin, nispa. Chaymantam Abigailwan casarakuyta munaspa runankunata kacharqa rimapayamunankupaq.

1~Samuel 26:10

Tayta Diosraykum jurani, paymi yachan haykapim hinaspa imayna wañunantapas.