1~Samuel 25:25 - CHUYA QELLQA La Biblia en Quechua de Ayacucho 2012

²⁵ ¡Taytalláy, ama chay rumi sonqo Nabalpa rimasqantaqa kasuychu! Paytaqa sutinpas rikchayninpas reqsinmi. Payqa mana yuyayniyuq llutan runam. Kay serviqnikiqa manam kacha-musqayki runaykikunataqa rikurqa-nichu.

Quechua Ayacucho Bible 1987

²⁵ ¡Amayá kasuychu taytáy, chay torpe runa Nabalpa rimasqantaqa! Arí, paytaqa sutinpas trazanpas reqsinmi. Payqa mana umayoq upa runam. Kay sirvientaykiqa manam rikuykamurqanichu kachasqayki runaykikunataqa.

Chuya Qellqa 1992

²⁵ ¡Taytalláy, ama chay rumi sonqo Nabalpa rimasqantaqa kasuychu! Paytaqa sutinpas rikchayninpas reqsinmi. Payqa mana yuyayniyuq llutan runam. Kay serviqnikiqa manam kachamusqayki runaykikunataqa rikurqanichu.

1~Samuel 25:25 Iomraidhean Croise

2~Samuel 13:33

Chaynaqa, reynilláy ama piensaychu llapallan churikikuna wañurusqantaqa, Amnonllam wañurunqa, nispa.

Proverbios 29:7

Allin ruwaq runaqa wakchakunatam nanachikun, mana allin runatam ichaqa mana imapas qokunchu.

Isaías 32:5

Millay runataqa manañam “allin runam payqa” ninqakuñachu, yanqa rimaq runataq manañam “allin reqsisqa runam payqa” ninqakuñachu.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

1~Samuel 25:17

Ichaqa rumi sonqo qosaykim mana pipa rimapayaykunan. Chaynaqa, mamalláy, qamyá tantearispa imallatapas ruway, mana chayqa ima mana allintapas Davidqa ruwanmanmi, Nabalta chaynataq ayllunkunatapas, nispa.

1~Samuel 25:24

Hinaspam chakinman wis-chukuykuspan nirqa: Taytáy, ¡ñoqamanyá kay hucha chayawachun! ¡Ama hina kaspaykiyá kay rimarisqayta uyariykullaway!

1~Samuel 25:26

Aswanpas Tayta Diosmi harkaykusurqanki, hamuruspayki ya-warta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.

1~Samuel 25:3

Payqa karqa Calebpa mirayninmantam, sutinñataqmi karqa Nabal. Chay runaqa pasaypaq rumi sonqo mana allinta kawsaq runam karqa. Warmin Abigailmi ichaqa buenamoza hinaspa yachaywan imapas allin ruwakuq karqa.