1~Samuel 25:24 - CHUYA QELLQA La Biblia en Quechua de Ayacucho 2012

²⁴ Hinaspam chakinman wis-chukuykuspan nirqa: Taytáy, ¡ñoqamanyá kay hucha chayawachun! ¡Ama hina kaspaykiyá kay rimarisqayta uyariykullaway!

Quechua Ayacucho Bible 1987

²⁴ Chaymantam Davidpa chakinman wischukuykuspan nirqa: —Taytáy ¡kay culpaqa kachun ñoqapa hawaypiyá! ¡Ama hina kaspaykiyá uyariykullaway kay rimarisqayta!

Chuya Qellqa 1992

²⁴ Hinaspam chakinman wischukuykuspan nirqa: Taytáy, ¡ñoqamanyá kay hucha chayawachun! ¡Ama hina kaspaykiyá kay rimarisqayta uyariykullaway!

1~Samuel 25:24 Iomraidhean Croise

Génesis 44:18

Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

2~Samuel 14:12

Ichaqa chay warmim yapamanta nirqa: Reynilláy kayllatañayá niykullasqayki, nispa. Chaymi rey David nirqa: Rimariyá, nispa.

2~Samuel 14:9

Chaymi Tecoa llaqtayuq warmi nirqa: Reynilláy, aylluykunawan ñoqayá chaymantaqa huchayuq kasaqku, amayá qamchu nitaq kamachikuqkunachu, nispa.

2~Samuel 20:17

Joab asuykuptinmi chay warmi nirqa: ¿Qamchu Joab kachkanki? nispa. Joabñataqmi nirqa: Arí, ñoqam kani, nispa. Chay warmiñataqmi nirqa: Kay serviqnikipa rimarisqayta uyariy-kuway, nispa. Payñataqmi nirqa: Uyarisqaykim, nispa.

2~Reyes 4:37

Chay warmiñataqmi yaykuruspan Eliseopa ñawpaqninpi qonqoranpa kumuykurqa, hinaspanmi wawanta marqarikuspan lloqsimurqa.

Ester 8:3

Reina Estermi huktawan reyta rimapayarqa, hinaspam ñawpaqninpi kumukuykuspan waqakuywan ruegakurqa Amanpa decreto ruwasqankunata chinkachinanpaq, chaynapi judiokunapa contranpi tanteasqankuna ama cumplikunanpaq.

Proverbios 25:15

Kamachikuqpa piñakuynintaqa pacienciawanmi tanichina, sumaq rimayqa rumi sonqotapas pakinmi.

Eclesiastés 10:4

Kamachikuqña qampaq piñakuruptinpas qasillalla kaspa pacienciakuy, pacienciakuymi ima pantaypaqpas hampiqa.

Mateo 18:29

Hinaptinmi sirvientemasinqa ñawpaqninpi qonqorakuykuspan ruegakurqa: “Ama hina kaspayá suyaykullaway, lliwtam pagapullasqayki”, nispan.

1~Samuel 24:8

Ichaqa Davidmi machaymanta Saulpa qepallanta lloqsiramuspan qayarqa: ¡Señorlláy, reynilláy! nispa. Chaymi qepaman Saúl qawariykuptin Davidñataq qonqoranpa pampaman kumuykuspan,

1~Samuel 25:23

Abigailmi Davidta rikuruspan as-nomanta utqayllaman uraykuspa David-pa ñawpaqninpi qonqoranpa kumuy-kurqa.

1~Samuel 25:25

¡Taytalláy, ama chay rumi sonqo Nabalpa rimasqantaqa kasuychu! Paytaqa sutinpas rikchayninpas reqsinmi. Payqa mana yuyayniyuq llutan runam. Kay serviqnikiqa manam kacha-musqayki runaykikunataqa rikurqa-nichu.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.