1~Samuel 25:21 - CHUYA QELLQA La Biblia en Quechua de Ayacucho 2012

²¹ Davidmi kaynata yuyaymanachkarqa: Chay runapataqa yanqapaqmi tukuy imantapas hunniqpi nanachikurqani, manam paypaqqa imallanpas chinkar-qachu, aswanraqmi allinninta ruwach-kaptiypas payqa mana allinwan kutirachiwan, nispa.

Quechua Ayacucho Bible 1987

²¹ Davidmi hamuchkasqa kaynata piensastin: —Yanqapaqmi ñoqaqa chunniqpi nanachikurqani chay runapa tukuy imanta. Manam paypaqa imallanpas chinkarqachu ichaqa favorninpi rurachkaptiypas payqa mana allinwanmi kutirachiwan —nispa.

Chuya Qellqa 1992

²¹ Davidmi kaynata yuyaymanachkarqa: Chay runapataqa yanqapaqmi tukuy imantapas hunniqpi nanachikurqani, manam paypaqqa imallanpas chinkarqachu, aswanraqmi allinninta ruwachkaptiypas payqa mana allinwan kutirachiwan, nispa.

1~Samuel 25:21 Iomraidhean Croise

Génesis 44:4

Paykuna llaqtamanta lloqsiruspa manaraqpas karupi kachkaptinkum, mayordomonta José nirqa: Utqayman chay runakunata qatiy, hayparuspaykim paykunata ninki: “¿Imanasqataq allin ruwasuqnikichikta mana allinwan kutirachinkichik? ¿Imanasqataq qollqemanta vasonta suwaramurqankichik?

Jobwan Sutichasqa Libro 30:8

Paykunaqa millay runakunapa churinkunam, mana reqsisqa runakunapa mirayninkunam, llaqtankumantapas qarqosqa runakunam.

Proverbios 17:13

Allin ruwaqninta mana allinwan kutichipuqpa wasinmantaqa, sasachakuypas manam asurinqachu.

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Romanos 12:21

Mana allinwanqa amayá vence-chikuychu, aswanqa allin kaqta ruwaspa mana allintaqa vencey.

Efesios 4:26

Piñakuspaqa amataqyá huchallikuychikchu, amayá inti seqaykunankamaqa piñakuruychikchu.

Efesios 4:31

Qamkunamantayá kaykunata wischuychik: Piñakuyta, rabiakuyta, cheqnikuyta, qaqchakuyta, insultanakuyta chaynataq tukuy mana allin ruwaytapas.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

1~Pedro 3:17

Dios munaptinqa allin ruwasqaykichikmanta ñakariyqa allinmi, mana allin ruwasqaykichikmanta ñakariymi ichaqa mana allinchu.

1~Pedro 3:9

Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik.

1~Samuel 25:13

Hinaptinmi runankunata David kamachirqa: ¡Espadaykichikta watakuychik! nispa. Chaymi espadankuta weqawninman watakuykuptinku, Davidpas espadanta watakuykurqa, hinaspam tawa pachak runakunawan pasarqa, iskay pachak runakunañataqmi qepinkuta waqay-chanankupaq qeparurqaku.

1~Samuel 25:15

Paykunaqa allinllam ñoqaykuwan karqaku, purunkunapi tukuy tiempo puriptiykupas manam imanawarqakuchu, manataqmi imallaykupas chinkarqachu.

1~Samuel 25:20

Abigailmi asnopi sillakuykuspan orqomanta pakan-pakanlla uraykamurqa. Davidñataqmi runankunapiwan pay lawman hamuchkasqa, chaymi Abigail payman taripaykurqa.

1~Samuel 25:7

Kunanmi yachaykuni ovejaykikuna rutusqaykita. Qampas yachankitaqmi michiq runaykikuna ñoqaykuwan Carmel lawpi tarikusqankuta. Paykuna ñoqaykuwan kaptinkuqa manam imanarqanikuchu nitaqmi imankutapas qechurqanikuchu.