1~Samuel 25:10 - CHUYA QELLQA La Biblia en Quechua de Ayacucho 2012

¹⁰ Hinaptinmi Nabal kaynata nirqa: ¿Pitaq chay Davidqa? ¿Pitaq chay Isaipa churinqa? ¡Kunan punchawkunaqa achkaq criadokunam dueñonkumanta lluptikuchkanku!

Quechua Ayacucho Bible 1987

¹⁰ Ichaqa Nabalmi kaynata nirqa: —¿Pitaq chay Davidqa? ¿Pitaq chay Isaipa churinqa? ¡Kunan tiempokunaqa achkaq sirvientekunam patronninmanta lluptikuchkanku!

Chuya Qellqa 1992

¹⁰ Hinaptinmi Nabal kaynata nirqa: ¿Pitaq chay Davidqa? ¿Pitaq chay Isaipa churinqa? ¡Kunan punchawkunaqa achkaq criadokunam dueñonkumanta lluptikuchkanku!

1~Samuel 25:10 Iomraidhean Croise

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

1~Reyes 12:16

Mañakuyninkuta reypa mana kasusqanta qawaykuspankum Israelpa mirayninkuna nirqaku: ¡Davidwanqa manam imapas ruwananchik kanñachu! ¡Isaipa churinwanqa manam ima herencianchikpas kanchu! ¡Israelpa mirayninkuna sapakama wasikichikman kutikuychik! ¡Davidqa ayllullanpi munaychakuchun! nispanku. Hinaspam Israelpa mirayninkunaqa sapakama wasinkuman kutikurqaku.

Éxodo 5:2

Rey Faraonñataqmi nirqa: ¿Pitaq Tayta Diosqa payta kasuspay Israelpa mirayninkunata kachaykunaypaqqa? Tayta Diostaqa manam reqsinichu, manataqmi Israel miraykunatapas kachariymanchu, nispa.

Proverbios 15:1

Llampu simiqa piñakuytam tanichin, nanay simim ichaqa aswan mismirichin.

Eclesiastés 7:10

Amayá tapukuychu imanasqam ñawpaq tiempokuna allin kasqanmantaqa; chayqa manam yachayniyuqpa tapukuyninchu.

Isaías 32:5

Millay runataqa manañam “allin runam payqa” ninqakuñachu, yanqa rimaq runataq manañam “allin reqsisqa runam payqa” ninqakuñachu.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Jueces 9:28

Ebedpa churin Gaalñataqmi nirqa: Siquem llaqtapi yachaqkuna, ¿pitaq Abimelecqa payta servinanchikpaqqa? ¿Manachum payqa Jerobaalpa churin? ¿Manachum Zebulpas paypa yanapaqnin? Siquem llaqtata hatarichiq Hamortayá servisunchikqa, amayá Abimelectachu.

1~Samuel 20:30

Hinaptinmi Saúl sinchita piñakuruspan Jonatanta qaqcharqa: ¡Mana allin warmipa wawan! ¿Manachu yacharqani chay Isaipa churinwan llumpay amigollaña kasqaykita? Kayqa hatun penqaymi qampaq chaynataq mamaykipaqpas.

1~Samuel 22:2

Chaypim llapa sasachakuypi kaqkuna, debekuqkuna chaynataq llakipa intusqan runakuna Davidman hukllawakuykurqaku. Davidmi paykunapa kamachiqnin rikurirurqa. Paykunam yaqa tawa pachak qarikuna karqaku.

1~Samuel 25:9

Chaymi Davidpa runankuna pasaspanku chay encargota Nabalman willarqaku, hinaspam paypa rimarinanta upallalla suyarqaku.