1~Samuel 24:9 - CHUYA QELLQA La Biblia en Quechua de Ayacucho 2012

⁹ Saulta nirqa: Reynilláy, ¿imanasqataq uyarinki “Davidqa contraykipim kachkan” nispa yanqa rimaq runakunata?

Quechua Ayacucho Bible 1987

⁹ Saulta nirqa: —Reynilláy, amayá qamqa kasuychu: “Davidqa contraykipim kachkan” nispa yanqa rimaqkunataqa.

Chuya Qellqa 1992

⁹ Saulta nirqa: Reynilláy, ¿imanasqataq uyarinki “Davidqa contraykipim kachkan” nispa yanqa rimaq runakunata?

1~Samuel 24:9 Iomraidhean Croise

Proverbios 16:28

Mana allin runaqa peleollatam hatarichin, cuento qepi runaqa kuyanakuqkunatapas rakinanmi.

Proverbios 17:4

Mana allin ruwaq runaqa mana allin runapa rimasqantam uyarin, llulla runañataqmi llullamasinpa rimasqanta uyarin.

Proverbios 18:8

Cuento qepi runapa rimasqankunaqa miskillañam, tukuy ukukamaraqmi yaykukunpas.

Proverbios 25:23

Norte lawmanta hamuq wayraqa paratam apamun, cuento qepi runapa rimayninñataqmi runata piñachin.

Proverbios 26:28

Llulla runaqa cheqap kaqtam cheqnin, hawa sonqolla rimapayakuqqa tuñichinmi.

Proverbios 29:12

Sichum huk kamachikuq llulla rimaykunata kasuptinqa, yanapaqninkunapas millay runakunam kanqaku.

Jeremías 37:18

Chaymantam rey Sedequiasta Jeremías nirqa: ¿Imapitaq qampa, serviqnikikunapa chaynataq kay runakunapa contranpi huchallikuruni chaynapi carcelman wichqachiwanaykipaq?

Levítico 19:16

Llaqtaykipiqa amam cuento qepiqa kankichu, amataqmi runamasikipa vidantaqa wañuyman churankichu. Ño-qaqa Tayta Diosmi kani.

Santiago 3:6

Qallunchikpas chay nina hinam, tukuy mana allinkunata rimaspan llapallan cuerponchiktaña huchallichiwanchik. Infiernopa ratachisqan nina hinam tukuy kawsayninchikta huchallichin.

1~Samuel 20:1

Davidmi Ramá llaqtapa hichpan Naiotmanta lluptikurqa, hinaspanmi Jonatanpa kasqanman chayaruspan nirqa: ¿Imatataq ruwaruni? ¿Imapitaq huchallikuruni? ¿Imanarqanitaq taytaykita wañuchiwaypi rinanpaq? nispa.

1~Samuel 20:41

Jonatanpa criadon pasaruptinmi, rumikunapa qepanpi pakakusqanmanta David lloqsimurqa, hinaspam Jonatanpa ñawpaqninpi qonqoranpa kimsakama pampaman kumuykurqa. Chaymi muchanakuykuspanku iskayninku waqakurqaku. Davidmi aminankama waqarqa.

1~Samuel 24:10

Reynilláy, qawasqaykiman hinam wak machaypi qamta makiyman Tayta Dios churaykamurqa, chaymi “wañurachiy” nispa niwaptinkupas qamta llakipayaspa mana wañurachirqaykichu, aswanmi nirqani: “Reyniytaqa manam wañuchiymanchu, payqa Tayta Diospa sapaqchakusqan reymi”, nispay.

1~Samuel 24:8

Ichaqa Davidmi machaymanta Saulpa qepallanta lloqsiramuspan qayarqa: ¡Señorlláy, reynilláy! nispa. Chaymi qepaman Saúl qawariykuptin Davidñataq qonqoranpa pampaman kumuykuspan,

1~Samuel 26:18

¿Ima-nasqataq kay serviqnikita qatikachawanki? ¿Ima mana allintataq ñoqa ruwaruni?

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.