1~Samuel 23:4 - CHUYA QELLQA La Biblia en Quechua de Ayacucho 2012

⁴ Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.

Quechua Ayacucho Bible 1987

⁴ Tayta Diosta huktawan David tapuptinmi payñataq nirqa: —Riypuni Keila llaqtaman. Filistea runakunataqa ñoqam makikiman churasaq —nispa.

Chuya Qellqa 1992

⁴ Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.

1~Samuel 23:4 Iomraidhean Croise

2~Samuel 2:1

Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

2~Reyes 3:18

Chaykunaqa Tayta Diospaqqa mana kaq hinallam, payqa moabitakunatapas makikichikmanmi churamunqa.

1~Crónicas 14:10

Hinaptinmi Diosta David tapurqa: ¿Risaqchu filisteokunapa contranpi? ¿Makiymanchu paykunata churaykamunki? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

Josué 8:7

Qamkunañataqmi pakakusqaykichikmanta lloqsiramuspa llaqtaman yaykurunkichik, Diosninchik-mi makikichikman churamunqa.

Jueces 6:39

Chaywanpas huktawanmi Tayta Diosta Gedeón nirqa: Yapatawan niykuptiyqa amayá piñakuychu, kunanñataqyá millwa chakilla kaptin lliw allpañataq nuyusqa kachun, nispa.

Jueces 7:7

Hinaptinmi Gedeonta Tayta Dios nirqa: Kay kimsa pachak qarikunawanmi libraspay madianitakunata makikiman churasaq, wakinkuñataqyá wasinkuman sapakama kutikuchunku, nispa.

Jueces 7:9

Chay tutam Gedeonta Tayta Dios nirqa: Hatarispa madianitakunapa campamentonman uraykuy, paykunatam makikiman churasaq.

1~Samuel 10:22

Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

1~Samuel 23:2

Tayta Diosta tapurqa: ¿Filisteokunawan peleaq riymanchu? nispa. Chaymi Tayta Dios nirqa: Rispa peleamuy hinaspa Keila llaqtata libramuy, nispa.

1~Samuel 23:3

Runankunam ichaqa Davidta nirqaku: Judapi kachkaspanchikpas manchakuchkanchik, aswanchiki Keila llaqtapi Filistea tropakunawan peleamuspaqa, nispanku.

1~Samuel 23:5

Davidmi runankunawan Keila llaqtaman pasarqa, chaypim filisteokunawan peleaspa pasaypaqta vencerurqaku, hinaspam llapa uywankutapas apakurqaku. Chaynatam Keila llaqtapi yachaqkunata David librarqa.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.

1~Samuel 30:8

Tayta Diosta David tapurqa: ¿Qatisaqchu icha manachu chay suwa runakunata? ¿Yaqaraqchu hayparuyman? nispa. Chaymi Tayta Dios nirqa: ¡Qatiypuni, paykunataqa hayparunkim, hinaspam presokunatapas libramunki! nispa.