1~Samuel 23:17 - CHUYA QELLQA La Biblia en Quechua de Ayacucho 2012

¹⁷ kaynata: Ama manchakuychu, manam taytay Saulqa tarisunkichu, qamqa Israelpa reyninmi kanki, ñoqañataqmi qampa qepaykiman kamachikuq kasaq, chaytaqa taytay Saulpas yachanñam, nispa.

Quechua Ayacucho Bible 1987

¹⁷ Jonatanmá kaynata nirqa: —Ama manchakuychu. Taytay Saulqa manam tarisunkichu. Qanmi huk punchaw kanki Israel runakunapa reynin, ñoqañataqmi kasaq qampa qepaykiman qatiqllaña. Arí, kaytaqa taytay Saulpas ñam yachanña —nispa.

Chuya Qellqa 1992

¹⁷ kaynata: Ama manchakuychu, manam taytay Saulqa tarisunkichu, qamqa Israelpa reyninmi kanki, ñoqañataqmi qampa qepaykiman kamachikuq kasaq, chaytaqa taytay Saulpas yachanñam, nispa.

1~Samuel 23:17 Iomraidhean Croise

Proverbios 14:26

Tayta Diosta manchakuqqa hatun waqaychakuytam tarin, churinkunapas chaypim hapipakunku.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Isaías 35:3

Wañunayaqkunatayá kallpanchaychik, pisipasqakunatayá kallpanchaychik.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Hechos 28:16

Roma llaqtaman chayaruptiykum Pablota saqeykurqaku huk soldadopa cuidasqan sapaq wasipi yachananpaq.

Hechos 5:39

Diosmanta kaptinmi ichaqa imayna chinkarachiytapas mana atiwaqchikchu. Chaynaqa, cuidakuychikyá, yanqañataq Diospa contranpi peleachkawaqchik, nispa.

Romanos 15:24

Españaman rispay pasadallapas watukuykuyta munachkani, chaynapi pisi tiempollapas qamkunawan kusirikuptiy illasqaypi yanapaykuwanaykichikpaq.

Hebreos 13:6

Chaynaqa, confianzawanmi ninan-chik: “Señormi ñoqapa yanapawaqniyqa manam manchakusaqchu, runapa imapas ruwawanantaqa manam manchakusaqchu”, nispanchik.

1~Samuel 20:31

Isaipa churin kawsanankamaqa manam kawsanaykipas nitaq rey kanaykipas yachakunchu. Chaynaqa, maskachimuspa wañuchinaypaq pusamuway, nispa.

1~Samuel 22:23

Ama manchakuychu kunanqa ñoqawanyá kaypi kasunchik, kaypiqa manam pipas wañuchisunkichu, pipas wañuchiyta munasuspaykiqa ñoqataraqmi wañuchiwanqa, nispa.

1~Samuel 24:19

¿Pitaq enemigonta tarichkaspa mana imananmanchu? Tayta Diosyá kuyapayaykuwasqaykimanta allinwan kutichipusunki.

1~Samuel 24:20

Kunanmi ichaqa sumaqta yachaykuni rey kayman chayanaykimanta, qanwanqa Israel nacionqa allintam ñawpaqman rinqa.

1~Samuel 24:21

Chaynaqa, David, Tayta Diospa sutinpiyá juraykuway mirayniykunatapas nitaq aylluykunatapas ama puchukarachinaykipaq, nispa.

1~Samuel 24:4

Chaymi Davidta runankuna nirqaku: Kayqaya cumplikurun Tayta Diospa “Enemigoykitam qosqayki” nispa prometesusqaykiqa. Chaynaqa, Saulwan munasqaykita ruway, nispanku. Davidñataqmi upallalla asuykuruspan Saulpa capanpa patanta kuchururqa.

1~Samuel 25:30

Chaynaqa, tukuy allinkuna prometesusqaykita Tayta Dios cumplispa Israel runakunata kamachinaykipaq churasuptikiqa,