1~Samuel 23:1 - CHUYA QELLQA La Biblia en Quechua de Ayacucho 2012

¹ Huk punchawmi filisteokuna Keila llaqtaman yaykururqaku, hinas-pam chayllaraq trillasqa trigokunata suwakurqaku. Chayta Davidman willaykup-tinkum,

Quechua Ayacucho Bible 1987

¹ Huk punchawmi salteanankupaq Filistea runakuna yaykururqaku Keila llaqtaman hinaspam suwakurqaku chayraq trillasqa erapi trigokunata. Chaytam Davidman willaykurqaku.

Chuya Qellqa 1992

¹ Huk punchawmi filisteokuna Keila llaqtaman yaykururqaku, hinaspam chayllaraq trillasqa trigokunata suwakurqaku. Chayta Davidman willaykuptinkum,

1~Samuel 23:1 Iomraidhean Croise

Daniel 2:35

Chaynapim chay fierropas, kañasqa mitupas, broncepas, qollqepas hinaspa qoripas lliw ñutu allpa hinallaña rikurirurqa; cosecha tiempopi wayrapa apasqan erapi qopa hinallañam rikurirurqa, chaynapim maypi kasqanpas manaña yachakurqachu. Chay runa kaqlla sayaqta ñuturuq rumim ichaqa kay pachapas huntaykuyta hatu-hatun orqoman tikrakururqa.

Levítico 26:16

ñoqapas qamkuna ukupim manchapakuyta, wañuchikuq onqoykunata, calenturata, ñawi onqoyta chaynataq eqoyayta rikurirachisaq; yanqapaqmi tarpunkichikpas, tarpusqaykichiktapas enemigoykichikmi mi-kukunqa.

Miqueas 6:15

Tarpuspapas manam cosechankichu, aceitunas sarusqaykipa aceitenwanpas manam servichikunkichu, uvas sarusqaykipa vinontapas manam upyankichu.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Deuteronomio 28:51

Paykunam animalnikichikkunata chaynataq kawsaynikichikkunatapas mikukunqaku. Qamkunapaqqa manam puchunqakuñachu trigota, vinota, aceiteta nitaq vacakunapa hinaspa ovejakunapa uñankunatapas, hinaptinmi yarqaymanta wañunkichik.

Josué 15:44

Keila, Aczib hinaspa Maresa llaqtakunapas. Llapallanmi karqa isqon llaqtakuna sapakama taksa llaqtankunapiwan.

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

Jueces 6:4

Hinaspam carpankuta chaypi sayarachispanku Gaza llaqtaman chayanakama chakrapi kawsayninkutapas tukuqku. Manam kawsaykunatapas, ovejakunatapas, torokunatapas nitaq asnokunatapas escapachiqkuchu.