1~Samuel 22:2 - CHUYA QELLQA La Biblia en Quechua de Ayacucho 2012

² Chaypim llapa sasachakuypi kaqkuna, debekuqkuna chaynataq llakipa intusqan runakuna Davidman hukllawakuykurqaku. Davidmi paykunapa kamachiqnin rikurirurqa. Paykunam yaqa tawa pachak qarikuna karqaku.

Quechua Ayacucho Bible 1987

² Chaypitaqmi Davidman taqrukuykurqaku sasachakuypi kaq llapallan runakunapas, debekuq llapa runakunapas chaynataq llakipa qatisqan runakunapas. Davidmá paykunapa capitanninña rikurirurqa. Chaynapim Davidwan puriq runakunaqa karqa yaqa tawa pachak qarikuna.

Chuya Qellqa 1992

² Chaypim llapa sasachakuypi kaqkuna, debekuqkuna chaynataq llakipa intusqan runakuna Davidman hukllawakuykurqaku. Davidmi paykunapa kamachiqnin rikurirurqa. Paykunam yaqa tawa pachak qarikuna karqaku.

1~Samuel 22:2 Iomraidhean Croise

2~Samuel 17:8

Yachankim taytaykipa runankunaqa allinnin qari-qari soldadokuna kasqanta, kunanqa mayna piñasqachiki kachkanku, wawan qechusqa ukumari hinaraq. Taytaykiqa guerrapi peleaq runam, manam runankunawan kuskaqa puñunmanchu.

2~Samuel 5:2

Pasaq watakunapi Saúl kamachiwachkaptinkupas, qanmi Israelpa tropankunataqa kamachirqanki. Tayta Diosmi prometesurqanki: “Qanmi oveja michiq hina Israel runaykunata kamachispa munaychakunki”, nispa.

2~Reyes 20:5

Kutirispayki rey Ezequiasman kaynata nimuy: “Ñawpaq taytayki Davidpa yupaychasqan Tayta Diosmi kaynata nin: Mañakuwasqaykitam uyariykuyki, rikurqanitaqmi waqasqaykitapas, sanoyarachiptiymi kimsa punchawmanta temployman rinki,

2~Reyes 4:1

Hukkaqnin profetapa viudanmi Eliseoman rispan nirqa: Yachasqaykipi hinapas qosayqa wañukunñam, payqa Tayta Diosta kasukuq runam karqa. Ichaqa manukusqayku runam hamuruwaspan iskaynin qari wawaykunata criadon kanankupaq pusayta munachkan, nispa.

Proverbios 31:6

Vinoqa llakisqa sonqoyuqkunapaqmi, aqapas piñakuypa huntasqan sonqoyuqkunapaqmi;

Mateo 11:12

Bautizaq Juanpa hamusqanman-tapunim Diospa munaychakuynin-ta chinkachiypi richkanku, allin kall-pawanraqmi chinkachiyta munan-ku.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Hebreos 2:10

Diosmi tukuy imataqa unancharqa, hina paytaqmi chaykunamantaqa nanachikunpas. Diosmi munan hanaq pachaman llapallan churinkuna rinanta. Chay churinkuna salvaqtam ñakarichispan mana imapapas pisisqanta ruwarqa.

Jueces 11:3

Chaymi Jefteyqa wawqenkunamanta ayqekuspan Tob lawpiña yacharqa, chaypim qella runakunaman hukllawakuykuspan mana allinkunata ruwarqa.

Jueces 18:25

Hinaptinmi Danpa mirayninkuna nirqaku: Ama qayaykachamuwaykuchu, yanqañataq hukkaqniyku piñakuruspa qamtapas chaynataq aylluykikunatapas wañurachikikuman, nispa.

1~Samuel 1:10

Hinaspam Anaqa llumpay llakisqa sonqontin, sinchi waqakuywan Diosta mañakurqa.

1~Samuel 22:3

Chaymantam Davidqa Moab nacionpi Mizpa llaqtaman rirqa, hinaspam Moabpa reyninta ruegakurqa: Ama hina kaspa qanwan yachananpaq tayta-mamayta chaskiykuy, Diospa imam ñoqawan ruway munasqanta yachanaykama, nispa.

1~Samuel 23:13

Hinaptinmi Keila llaqtamanta David lloqsirqa yaqa soqta pachak runankunapiwan, hinaspam kayman chayman purirqaku. Ichaqa Keila llaqtamanta Davidpa lluptirusqanta yacharuspanmi Saulqa mana rirqañachu.

1~Samuel 25:13

Hinaptinmi runankunata David kamachirqa: ¡Espadaykichikta watakuychik! nispa. Chaymi espadankuta weqawninman watakuykuptinku, Davidpas espadanta watakuykurqa, hinaspam tawa pachak runakunawan pasarqa, iskay pachak runakunañataqmi qepinkuta waqay-chanankupaq qeparurqaku.

1~Samuel 30:6

Tropankunañataqmi qari churinkuta warmi churinkuta manaña tariykuspanku Davidman cargochaspanku rumiwan wañurachinankupaq tanteanakurqaku. Chayraykum Davidqa llumpay mancharisqallaña tarikurqa. Ichaqa Tayta Diospi kallpanchakuspam,

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.