1~Samuel 22:18 - CHUYA QELLQA La Biblia en Quechua de Ayacucho 2012

¹⁸ Chaymi rey Saulqa kamachirqa Edom castamanta Doegtaña chay sacerdotekunata wañuchinanpaq. Hinaptinmi chay runa pawaykuspan wañuchiyta qallaykuspan chay punchaw wañurachirqa linomanta efodwan pachasqa pusaq chunka pichqayuq sacerdotekunata.

Quechua Ayacucho Bible 1987

¹⁸ Hinaptinmi Rey Saulqa kamachirqa Doeg sutiyoq Edom casta runataña: —¡Qamñayá wañurachiy! —nispa. Hinaptinmi chay runa pawaykurqa sacerdotekunata wañuchinanpaq. Chay punchawmi wañurachirqa pusaq chunka pichqayoq linomanta rurasqa *f**efodwan pachasqa sacerdotekunata.

Chuya Qellqa 1992

¹⁸ Chaymi rey Saulqa kamachirqa Edom castamanta Doegtaña chay sacerdotekunata wañuchinanpaq. Hinaptinmi chay runa pawaykuspan wañuchiyta qallaykuspan chay punchaw wañurachirqa linomanta efodwan pachasqa pusaq chunka pichqayuq sacerdotekunata.

1~Samuel 22:18 Iomraidhean Croise

2~Crónicas 24:21

Ichaqa llapa runakunam Zacariaspa contranpi hatarirurqaku, hinaspankum reypa kamachisqanman hina rumiwan chamqaspa Tayta Diospa templonpa pationpi wañurachirqaku.

Éxodo 28:40

Aaronpa churinkunapaqpas tunicakunata, chumpikunata, mitrakunatam ruwanki, chaynapi ancha reqsisqa suma-sumaqllaña kanankupaq.

Proverbios 24:15

Allin ruwaq runapa contranpiqa amayá ima mana allintapas tanteaychu, wasinmantapas amayá imantapas suwakuychu.

Oseas 5:11

Efrainmi ñakarichisqa kachkan, pipañapas munaychakusqanmi kachkan, idolokunata qatisqanraykum chaynaqa kachkan.

Oseas 7:3

Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

1~Samuel 2:18

Samuelñataqmi linomanta efodwan pachasqa Diosta serviq. Payqa karqa warmallaraqmi.

1~Samuel 2:28

Chaymi Israelpi llapallan ayllukunamanta ñawpaq taytayki Aaronpa castankunata akllarqani sacerdoteykunaña kanankupaq, chaynapi animalkunata altarniypa hawanpi chaynataq inciensotapas kañapuwanankupaq hinaspa efodwan churakuspa ñawpaqniypi serviwanankupaq. Qorqanitaqmi Israelpa mirayninkunapa kañasqan ofrendakunatapas.

1~Samuel 2:36

Chaymi pipas aylluykimanta kawsasparaq qepaqqa, ñawpaqninpi qon-qorakuykuspan ninqa: “Ama hina kaspaykiyá asllaña pagawanayki kaptinpas otaq parten tantallaña qowanayki kaptinpas, sacerdotekunaman hina llamkayta qoykullaway, chaynapi asllatapas mikunaypaq”, nispa.