1~Samuel 21:7 - CHUYA QELLQA La Biblia en Quechua de Ayacucho 2012

⁷ Chay punchawmi Saulpa serviqnin Doeg kachkarqa Tayta Diospa templonpi, payqa karqa Edom castam hinaspa Saulpa michiqninkunapa kamachiqninmi.

Quechua Ayacucho Bible 1987

⁷ Chay punchawmi Saulpa huk serviqnin kachkarqa Tayta Diosta adorananpaq suyaspa, payqa karqa Edompa castan Doeg sutiyoq runam. Payqa karqa Saulpa michiqninkunapa kamachiqninmi.

Chuya Qellqa 1992

⁷ Chay punchawmi Saulpa serviqnin Doeg kachkarqa Tayta Diospa templonpi, payqa karqa Edom castam hinaspa Saulpa michiqninkunapa kamachiqninmi.

1~Samuel 21:7 Iomraidhean Croise

Génesis 26:20

Hinaptinmi Gerar lawpi michiqkunawan Isaacpa michiqninkuna piña-nakurqaku: “Kay yakuqa ñoqaykupam” nispanku. Chaymi chay pozota Isaac suticharqa: “Esek” nispa chaypi piñanakusqankurayku.

1~Crónicas 27:29

Sarón llaqtayuq Sitraimi Sarón pampapi mikuq uywakunata nanachikurqa. Adlaipa churin Safatñataqmi qechwakunapi mikuq uywakunata nanachikurqa.

1~Crónicas 27:31

Agar llaqtayuq Jazizmi ovejakunata nanachikurqa. Paykunam llapallanku karqaku rey Davidpa kapuqninkunawan nanachikuqkuna.

2~Crónicas 26:10

Chunniqpipas torrekunatam ruwachirqa, pozokunatapas achkatam uchkuchirqa; chaykunataqa ruwachirqa achka animalniyuq kasqanraykum, chay animalninkunam tarikurqa orqokunapi hinaspa pampakunapi. Kapurqataqmi uvas chakrankunapi, huertankunapi hinaspa wakin chakrankunapi llamkaq runankunapas, paytaqa chakrapi llamkaymi gustarqa.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Levítico 22:10

Mana sacerdote kachkaspaqa amam pipas ñoqapaq sapaqchasqa ofrendaykunataqa mikunqachu. Sacerdotepa samapakuqninpas nitaq llamkapakuqninpas amam mikunqachu.

Levítico 22:13

Sichum sacerdotepa warmi churin manaraq wawayuq kachkaspa viudayarunman otaq qosan saqeruptin taytanpa wasinman kutiykuruspanqa, sipas kayninpi hinam chay ofrendamanta mikunqa. Sacerdote castamanta sapaq runaqa amam mikunqachu.

Levítico 24:5

Allinnin harinamantam chunka iskayniyuq tantakunata ruwankichik. Sapa tantam tawa kilo parten harinamanta kanqa.

Levítico 24:8

Chaytaqa sapa samana punchawmi mana tukuyta churanki, ñoqa Tayta Diospa qayllaypi Israelpa mirayninkunawan wiña-wiñaypaq contrato kasqanrayku.

Amós 8:5

Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Mateo 15:8

“Kay runakunaqa simillamantam yupaychawanku, sonqonkum ichaqa ñoqamanta karupi kachkan.

1~Samuel 11:5

Chayllamanmi Saulqa chakramanta chayaramurqa torokunata qatirikuspa, hinaspam tapukurqa: ¿Imanasqataq llapa runakuna wa-qachkanku? nispa. Chaymi Saulman Jabes llaqtayuq runakunapa noticia apamusqanta willaykurqaku.

1~Samuel 14:47

Israelpi kamachikuyta qallarisqan-mantam Saulqa muyuriqnin llaqtakunawan guerrapi karqa: Moab casta runakunawan, Amonpa mirayninkunawan, Edom casta runakunawan, Soba nacionpa reyninkunawan hinaspa filisteokunawan. Maymanña peleaq lloqsispapas vencemuqpunim.

1~Samuel 21:8

Davidmi sacerdote Ahimelecta nirqa: ¿Yaqachu ima armallapas kapusunkiman? Manam imananchu lanza otaq espada kaspapas. Qonqayta rey kamaykachimuwaptinmi espadayta nitaq huk armaykunatapas mana apamurqanichu, nispa.

1~Samuel 22:10

Chaypim sacerdote Ahimelec Davidpaq Tayta Diosta tapurqa, hinaspam mikuytapas qoykurqa, qoykurqataqmi filisteo Goliatpa espadantapas, nispa.

1~Samuel 22:22

Chaymi Abiatarta David nirqa: Ñoqaqa musyaraniñam Doegqa Saulman willaykunanta. Ñoqam huchayuq kani llapa aylluykikuna wañuchisqa kasqanmantaqa.

1~Samuel 22:9

Hinaptinmi Saulpa serviqninkunata kamachiq Edom casta Doeg nirqa: Isaipa churintaqa rikumurqani Nob llaqtaman rispan Ahitobpa churin sacerdote Ahimelecwan kachkaqtam.