1~Samuel 20:5 - CHUYA QELLQA La Biblia en Quechua de Ayacucho 2012

⁵ Chaymi David nirqa: Paqarinmi llullu killa fiesta kanqa, chaypim mikunapaq reywan tiyanay yachakun. Chaynaqa, mincha punchaw tardeykuqkama purunpi pakakaramusaq.

Quechua Ayacucho Bible 1987

⁵ Chaymi Davidñataq nirqa: —Paqarinmi kanqa llullu killa fiesta. Chaypim tiyanayman hina reywan tiyanay, yachakun mikunapaq. Amayá harkawaychu, mincha tardenkamayá purunpi pakakaramusaq.

Chuya Qellqa 1992

⁵ Chaymi David nirqa: Paqarinmi llullu killa fiesta kanqa, chaypim mikunapaq reywan tiyanay yachakun. Chaynaqa, mincha punchaw tardeykuqkama purunpi pakakaramusaq.

1~Samuel 20:5 Iomraidhean Croise

2~Reyes 4:23

Chaymi qosan tapurqa: ¿Imamantaq paypata rinki? Kunanqa manam musoq killachu nitaqmi samana punchawchu, nispa. Hinaptinmi warminñataq nirqa: Ama hukmanyaychu, nispa.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Amós 8:5

Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq.

Números 10:10

Trompetakunataqa tocankichiktaqmi kusikunaykichik punchawkunapipas, fiestakunapipas, musoq killakunapipas, lliw kañana sacrificiota ofrecewaspaykichikpas chaynataq ñoqawan allinlla kasqaykichikmanta ofrendata ofrecewaspaykichikpas, chaynapim ñoqa Diosnikichik mana qonqasqaykichikchu. Ñoqa Tayta Diosmi Diosnikichik kani.

Números 28:11

Sapa killapa qallariyninpim ñoqa Tayta Diosman iskay malta torokunata, huk carnerota hinaspa watayuq qanchis sano carnerokunata ofrecemuwankichik.

Juan 8:59

Chaynata niptinmi rumiwan choqaparuyta munarqaku, Jesusñataqmi pakaku-ruspa templomanta lloqsikaramurqa.

Hechos 17:14

Hinaptinmi llapa iñiqkuna Pablota lamar qochapa patanman ayqechirqaku, Silaswan Timoteom ichaqa hina Berea llaqtallapi qeparurqaku.

Colosenses 2:16

Chaynaqa, amayá pipas rimaku-sunkichikchu: Imam mikusqaykichikmanta, tomasqaykichikmanta, fiestakuna ruwaymanta, watanpi otaq killanpi fiestakuna ruwaymanta, samana punchawpi samanamanta.

1~Samuel 19:2

Chayraykum Davidman Jonatán willay-kurqa: Taytaymi wañurachiyta munasuchkanki, chaynaqa paqarin tutapayta maymanpas rispayki pakakamuy hinaspam ama lloqsimunkichu.

1~Samuel 20:18

Jonatanqa nirqataqmi: Paqarinmi musoq killa fiesta, chaynaqa tiyanaykipi mana tarisuspaykichá watukusunki.

1~Samuel 20:19

Mincha punchaw tiyanaykipi mana rikususpaykiqa aswancha watukunqa. Chaynaqa, maymi pakakusqaykipi pakakamuy hinaspa Ezel law rumikunapa waqtanpi suyay.

1~Samuel 20:24

Chaynapim Davidqa purunpi pakakururqa. Llullu killa fiesta chayaramuptinmi mikunanpaq mesapi rey tiyaykurqa.

1~Samuel 20:27

Iskay kaq punchawman Davidta tiyananpi mana rikuspam Jonatanta Saúl tapurqa: ¿Imanasqataq Isaipa churin mana hamunchu mikuq qayna punchawpas nitaq kunan punchawpas? nispa.

1~Samuel 20:4

Hinaptinmi Davidta Jonatán nirqa: ¿Imatataq qampaq ruwanayta munanki? nispa.

1~Samuel 20:6

Sichum taytayki ñoqamanta watukuptinqa kaynatam ninki: Davidqa Belén llaqtanman rinanpaqmi valekuwarqa, chaypi watan-watan ruwasqankuta hina ayllunkunawan sacrificiota Diosman ofrecenanpaq, nispa.