1~Samuel 20:42 - CHUYA QELLQA La Biblia en Quechua de Ayacucho 2012

⁴² Chaymantam Davidta Jonatán nirqa: Hawkalla pasakuy, Tayta Diospa sutin-pim jurarqanchik kaynata nispa: Diosmi testigo wiñaypaq amigo kasqanchikmanta chaynataq mirayninchikkunawanpas, nispa. David pasakuptinmi Jonatanpas llaqtaman kutikurqa.

Quechua Ayacucho Bible 1987

⁴² Jonatanmi Davidta nirqa: —Pasakuy hawkalla. Ñoqanchikqariki iskayninchikmi jurarqanchik Tayta Diospa sutinpi. Paytataqmi mañakurqanchik siempre yanapanakunanchikpaqpas chaynataq ayllunchikkuna yanapanakunankupaqpas —nispa. David pasakuptinmi Jonatanpas kutikurqa llaqtaman.

Chuya Qellqa 1992

⁴² Chaymantam Davidta Jonatán nirqa: Hawkalla pasakuy, Tayta Diospa sutinpim jurarqanchik kaynata nispa: Diosmi testigo wiñaypaq amigo kasqanchikmanta chaynataq mirayninchikkunawanpas, nispa. David pasakuptinmi Jonatanpas llaqtaman kutikurqa.

1~Samuel 20:42 Iomraidhean Croise

2~Samuel 9:1

Huk punchawmi David tapukurqa: ¿Pillapas Saulpa mirayninmanta puchurqachu Jonatanrayku yanapaykunaypaq? nispa.

Números 6:26

Tayta Diosyá kuyakuywan qawariykususpayki hawkayayta qosunki”, nispa.

Lucas 7:50

Jesusñataqmi warmita nirqa: Iñiynikim salvarusunki, kunanqa hawkañayá pasakuy, nispan.

Hechos 16:36

Hinaptinmi Pablota chay carcelero nirqa: Qamkunata kacharinaypaqmi Juezku-namanta huk kamachikuyta chaskiruni. Chaynaqa hawkallayá pasakuychik, nispa.

1~Samuel 1:17

Eliyñataqmi nirqa: Hawkalla ripukuy, Israelpa Diosninyá tukuy mañakusqaykita qosunki, nispan.

1~Samuel 20:15

amam aylluykunata qonqarunkichu, enemigoykikunata kay pachamanta Tayta Dios chinkarachiptinpas, llakipayariykuspam imallapipas yanapaykunki, nispa.

1~Samuel 20:16

Chaynatam Jonatanqa Davidwan contratota ruwarqa.

1~Samuel 23:18

Chaypim iskayninku Diospa qay-llanpi contratota ruwarqaku, chaymantam wasinman Jonatán kutikur-qa, Davidñataqmi Horespi qeparur-qa.

1~Samuel 25:35

Abigailpa apamusqankunata chaskiykuspanñataqmi David nirqa: Hawkallañayá wasikiman kutikuy, kunanqa imam mañakuwasqaykitam uyariykuykiña, nispa.