1~Samuel 20:41 - CHUYA QELLQA La Biblia en Quechua de Ayacucho 2012

⁴¹ Jonatanpa criadon pasaruptinmi, rumikunapa qepanpi pakakusqanmanta David lloqsimurqa, hinaspam Jonatanpa ñawpaqninpi qonqoranpa kimsakama pampaman kumuykurqa. Chaymi muchanakuykuspanku iskayninku waqakurqaku. Davidmi aminankama waqarqa.

Quechua Ayacucho Bible 1987

⁴¹ Chay sirviente pasaruptinñam David lloqsimurqa rumipa surlawninmanta hinaspam Jonatanpa ñawpaqninpi qonqoranpa kimsakama pampaman kumuykurqa. Chaymantam muchaykanakuspanku iskayniku waqarqaku, Davidmi waqarqa aminankama.

Chuya Qellqa 1992

⁴¹ Jonatanpa criadon pasaruptinmi, rumikunapa qepanpi pakakusqanmanta David lloqsimurqa, hinaspam Jonatanpa ñawpaqninpi qonqoranpa kimsakama pampaman kumuykurqa. Chaymi muchanakuykuspanku iskayninku waqakurqaku. Davidmi aminankama waqarqa.

1~Samuel 20:41 Iomraidhean Croise

Génesis 29:11

Chaymantam Raquelta muchaykuspan Jacob qaparispa waqarqa.

Génesis 29:13

Labanñataqmi paninpa wawan Jacobmanta uyariykuspan chaskiqnin kallparqa. Abrazaykuspa muchaykuspanmi wasinman pusarqa, hinaptinmi tukuy ima pasasqanta Labanman Jacob willakurqa.

Génesis 33:4

Chaymi wawqen Esaú kallpaykuspa Jacobta abrazaykuspan muchaykurqa, hinaspam kuskanku waqarqaku.

Génesis 42:6

Egipto nacionpim José munaychakuq karqa, paymi llapa runakunaman kawsayta rantikuq. Joseypa wawqenkunam chayaruspanku paypa ñawpaqninpi pampakama kumuykurqaku.

Génesis 43:28

Hinaptinmi paykuna nirqaku: Serviqniki taytaykuqa kawsachkanraqmi, allinllam kachkan, nispanku. Hinaspam qonqoranpa kumuykurqaku.

Génesis 45:15

Llapallan wawqenkunata muchaykuspam abrazaykuspa waqarqa. Chayraqmi wawqenkunaqa Joseywan rimanakurqaku.

2~Samuel 1:2

Hinaptinmi kimsa kaq punchawpi, Saulpa campamentonmanta huk runa llumpay llakisqa hamururqa, pachankunapas llikipasqa hinaspa allpallaña umayuq. Davidpa kasqanman chayaramuspanmi qayllanpi pampakama kumuykurqa.

2~Samuel 1:26

Wawqelláy Jonatán, qanmantam llakisqa kachkani, wawqentin hinam llumpayta kuyanakurqanchik, warmikunapa kuyakuyninmantapas mastam kuyawarqanki.

2~Samuel 14:4

Reypa qayllanman yaykuruspanmi pampaman kumuykuspan chay warmi nirqa: ¡Reynilláy yanapaykullaway! nispa.

2~Samuel 19:39

Reymi llapa runankunawan Jordán mayuta chimparurqaku. Hinaptinmi Barzilaita David muchaykuspan Tayta Diospa bendicionninta mañapurqa. Chaymantam Barzilaiqa wasinman kutikurqa.

2~Samuel 9:6

Saulpa willkan Jonatanpa churin Mefi-bosetmi Davidpa kasqanman chayaramuspan paypa qayllanpi qonqoranpa kumuykurqa. Chaymi David nirqa: ¡Mefi-boset! nispa. Payñataqmi nirqa: Ñoqam kani kamachiwanaykipaq, nispa.

1~Reyes 1:16

Reypa qayllanpi Betsabé kumuykuptinmi, reyñataq nirqa: ¿Imatataq munanki? nispa

1~Reyes 1:23

Chaymi reyman willarqaku: Profeta Natanmi kaypi kachkan, nispa. Hinaptinmi profeta Natanqa reypa qayllanman yaykuspan pampakama kumuykuspan,

1~Reyes 1:31

Chaymi Betsabeyqa reypa qayllanpi qonqoranpa kumuykuspan nirqa: ¡Wiñaypaq kawsachun señorniy rey David! nispa.

Hechos 20:37

Chaymi llapallanku anchata waqakuspanku Pablota abrazaykuspa muchaykurqaku,

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 18:3

Jona-tanwan Davidñataqmi contratota ruwar-qaku juramentomanta wiñaypaq amigo kanankupaq.

1~Samuel 20:40

Hinaptinmi armankunata criadonman qoykuspa Jonatán nirqa: Aparikuspa llaqtaman kutiy, nispa.

1~Samuel 24:9

Saulta nirqa: Reynilláy, ¿imanasqataq uyarinki “Davidqa contraykipim kachkan” nispa yanqa rimaq runakunata?

1~Samuel 25:23

Abigailmi Davidta rikuruspan as-nomanta utqayllaman uraykuspa David-pa ñawpaqninpi qonqoranpa kumuy-kurqa.