1~Samuel 20:32 - CHUYA QELLQA La Biblia en Quechua de Ayacucho 2012

³² Chaymi taytanta Jonatán tapurqa: ¿Imanasqataq wañuchisqa kanqa? ¿Ima mana allintataq ruwarun? nispa.

Quechua Ayacucho Bible 1987

³² Hinaptinmi taytanta Jonatan nirqa: —¿Imanasqataq wañuchisqaqa kanqa? ¿Imatataq payqa rurarurqa? —nispa.

Chuya Qellqa 1992

³² Chaymi taytanta Jonatán tapurqa: ¿Imanasqataq wañuchisqa kanqa? ¿Ima mana allintataq ruwarun? nispa.

1~Samuel 20:32 Iomraidhean Croise

Génesis 31:36

Jacobñataqmi piñakuspan Labanta kutipakurqa: ¿Ima mana allintataq ruwaruni? ¿Imataq huchay piñasqallaña qatimuwanaykipaqqa?

Proverbios 22:24

Chaylla piñakuruq runawanqa ama amistadta armaychu, piña-piña runawanqa ama kuskapas puriychu.

Eclesiastés 7:9

Amayá chayllaqa piñakuruychu, chaylla piñakuruyqa mana yachayniyuqkunapa ruwayninmi.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Mateo 27:23

Hinaptinmi Pilato nirqa: ¿Ima mana allintañataq payqa ruwarurqa? nispa. Chaymi paykunañataq aswanraq qapa-rirqaku: ¡Chakatasqa kachun! nispanku.

Lucas 23:22

Hinaptinmi Pilatoñataq kaqllamanta nirqa: ¿Ima mana allintañataq payqa ruwa-rurqa? Manam paypiqa ima huchatapas wañunanpaq hinaqa tarinichu. Azoteruspallaymi kachaykusaq, nispa.

Juan 7:51

Leyninchikman hinaqa manam pitapas cargochachwanchu, puntata imam nisqanta manaraq uyarichkaspaqa nitaq imam ruwasqanta manaraq yachachkaspaqa, nispa.

1~Samuel 18:11

Chay lanzanwanmi Davidta choqarurqa. Paymi tantearqa: Kay Lanzawanmi Davidta perqaman clavarusaq, nispa. Ichaqa David surtiruptinmi iskaykama choqaspapas mana hapichirqachu.

1~Samuel 19:4

Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.

1~Samuel 19:5

Payqa wañuytapas mana manchakuspam chay filisteo runatapas wañuchirqa. Chaynatam llapallan Israel runakunata Tayta Dios libraykurqa. Chayta qawaspam qampas kusikurqanki. Chaynaqa, ¿imanasqataq inocente runata wañuchiypi riwaq? Amayá munaychu yanqamanta Davidta wañuchiytaqa, nispa.

1~Samuel 20:1

Davidmi Ramá llaqtapa hichpan Naiotmanta lluptikurqa, hinaspanmi Jonatanpa kasqanman chayaruspan nirqa: ¿Imatataq ruwaruni? ¿Imapitaq huchallikuruni? ¿Imanarqanitaq taytaykita wañuchiwaypi rinanpaq? nispa.

1~Samuel 20:7

Sichum taytayki “allinmi” niptinqa hawkam kasaq. Piñakuruptinmi ichaqa yachankiña contraypi mana allin tanteasqanta.

1~Samuel 22:14

Hinaptinmi reyta Ahimelec nirqa: Llapallan serviqnikikunamantapas David hina confiakunapaq runaqa manam kanchu, chaywanpas payqa masaykim hinaspa waqaychasuqniki soldadokunapa kamachiqninmi. Wasikipiqa pay hina allin respetasqa runaqa manam kanchu.