1~Samuel 20:2 - CHUYA QELLQA La Biblia en Quechua de Ayacucho 2012

² Jonatanñataqmi nirqa: ¡Amayá Diospas chaytaqa munachunchu! ¡Manapunim wañunkichu! Taytayqa manam imatapas ruwanmanchu mana willawaspanqa. ¿Imanasqataq taytay chayta pakawanman? ¡Manam chaynaqa kanmanchu! nispa.

Quechua Ayacucho Bible 1987

² Chaymi Jonatanñataq nirqa: —¡Amayá chaytaqa Diospas munachunchu! ¡Manapunim wañunkichu! Taytayqa manam imatapas ruranmanchu mana willawaspanqa. ¿Imanasqataq taytayqa kay asuntotaqa pakawanman? ¡Manam chaynaqa kanmanchu! —nispa.

Chuya Qellqa 1992

² Jonatanñataqmi nirqa: ¡Amayá Diospas chaytaqa munachunchu! ¡Manapunim wañunkichu! Taytayqa manam imatapas ruwanmanchu mana willawaspanqa. ¿Imanasqataq taytay chayta pakawanman? ¡Manam chaynaqa kanmanchu! nispa.

1~Samuel 20:2 Iomraidhean Croise

Génesis 44:7

Hinaptinmi paykunañataq nirqaku: Señorllayku ¿imatataq kaytaqa niwankiku? Manam haykapipas ñoqaykuqa chaytaqa ruwaymankuchu.

Proverbios 29:24

Suwaman sayapakuq runaqa kikintapunipas cheqnikunmi, ñakachkaptinkupas manam willakunchu.

Isaías 50:5

Tayta Diosmi kasukuq kanaypaq rinrillayta kichaykun, kasukuspaymi mana qepaman kutirqanichu.

Lucas 20:16

Payqa rispanmi llamkaqkunata wañurachinqa, hinaspam chakranta hukkunamanña arriendakunqa, nispa. Jesuspa chayna nisqanta uyariruspankum nirqaku: Amayá Diospas chaytaqa munachunchu, nispanku.

Juan 15:15

Manañam serviqniykuna nisqaykichikñachu, sirvienteqa manam yachanchu patronninpa ruwasqankunataqa. Qamkunaqa amistadniyñam kankichik, chaymi Taytapa niwasqankunata yachachirqaykichik.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Josué 22:29

Amayá Tayta Diospas munachunchu huk altarta ruwaruspa chaypi rikchaqmana ofrendakunata ofrecespa Tayta Diospa contranpi hatarispa paymanta rakikunaykutaqa. Chaykunapaqqa Tayta Diosman asuykuna carpapa ñawpaqninpi altarllam kanqa, nispanku.

Josué 24:16

Chaymi llapa runakunañataq nirqaku: Tayta Diospas amayá munachunchu payta saqeruspa idolokunataña servinaykutaqa.

1~Samuel 14:45

Hinaptinmi runakunañataq Saulta nirqaku: ¡Manam Jonatanqa wañunmanchu! payqa ñoqanchik Israel runakunatam libraykuwanchik, kawsaq Tayta Diosraykum Jonatanpaqa huk chukchallanpas mana pampamanqa wichinqachu. Payqa Diospa yanapakuyninwanmi ruwarun, nispanku. Chaynatam Jonatantaqa wañunanmanta Israel runakuna librarurqaku.

1~Samuel 20:1

Davidmi Ramá llaqtapa hichpan Naiotmanta lluptikurqa, hinaspanmi Jonatanpa kasqanman chayaruspan nirqa: ¿Imatataq ruwaruni? ¿Imapitaq huchallikuruni? ¿Imanarqanitaq taytaykita wañuchiwaypi rinanpaq? nispa.

1~Samuel 20:12

Chaypim Davidta Jonatán nirqa: Israelpa yupaychasqan Tayta Diosraykum niki, mincha punchaw kay horatam taytayta tapusaq paypa imam ruway munasusqaykita yachanaypaq. Qampaq allinlla kaptinqa willachimusqaykim.

1~Samuel 20:3

Chaymi David nirqa: Taytaykiqa allintam yachan llumpay amigo kasqanchikta. Chayraykum llakikunaykimanta mana willasunkimanchu. Ichaqa Diosrayku hinaspa qamraykum jurani, ¡ñoqaqa wañuypa patanpiñam tarikuchkani! nispa.

1~Samuel 9:15

Saulpa chayasqanmanta huk punchaw ñawpaqnintam, Samuelta Tayta Dios kaynata nirqa: