1~Samuel 20:13 - CHUYA QELLQA La Biblia en Quechua de Ayacucho 2012

¹³ Taytay mana allin ruway munasusqaykita mana willaykamuptiyqa chaynataq hawkalla ayqekunaykipaq mana yanapaptiyqa, Diosyá llumpayta castigawachun. Diosyá yanapasunki imaynam taytaytapas yanapasqanta hina.

Quechua Ayacucho Bible 1987

¹³ Ichaqa taytay mana allin rurayta munasuptikiqa Tayta Diosyá llumpayta castigawachun mana willaykamuptiyqa hinaspa hawkalla ayqekunaykipaq mana yanapaptiyqa. ¡Tayta Diosyá yanapasunki imaynam taytaytapas yanapasqanman hina!

Chuya Qellqa 1992

¹³ Taytay mana allin ruway munasusqaykita mana willaykamuptiyqa chaynataq hawkalla ayqekunaykipaq mana yanapaptiyqa, Diosyá llumpayta castigawachun. Diosyá yanapasunki imaynam taytaytapas yanapasqanta hina.

1~Samuel 20:13 Iomraidhean Croise

2~Samuel 19:13

Amasatapas kaynatam nichimurqa: Qamqa aylluymi kanki. Joabpa rantinpim llapa tropaykunapa capitannin kanaykipaq churasqayki. Mana chaynata ruwaptiyqa Tayta Diosyá llumpayta castigawachun, nispa.

2~Samuel 3:35

Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

2~Samuel 7:15

Ichaqa manam Saulmanta hinachu kuyapayakuyniyta churikimanta qechusaq. Saultaqa wischururqani rantinpi qamtaña churanaypaqmi.

1~Reyes 1:37

Imaynam qam reyniywanpas Tayta Dios karqa, chaynayá Salomonwanpas kachun, hinaspayá paypa munaychakuyninta qam reyniy Davidpa munaychakuynikimantapas aswan mastaraq hatunchachun, nispa.

1~Reyes 19:2

Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

1~Reyes 20:10

Chaymi Ben-adad musoqmanta Acabta nichimurqa: Samaria llaqtata purmarachiptiy ñutu allpallanpas soldadoykunaman putqoyllankapas qonaypaq puchuruptinqa dioskunayá sinchita castigawachun, nispa.

1~Crónicas 22:11

Chaynaqa, churilláy Tayta Diosyá qanwan kachun, nisusqaykiman hina Tayta Diospa wasinta ruwanaykipaq.

1~Crónicas 22:16

Qoripas, qollqepas, broncepas hinaspa fierropas achka-achkam kachkan. Chaynaqa, hatarispa llamkayman churakuy, Tayta Diosmi qanwan kachkan, nispa.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Filipenses 4:9

Imam yachachisqayta, chaskisqaykichikta, uyarisqaykichikta hinaspa ñoqapi rikusqaykichiktayá ruwaychik, hinaptinqa hawkayay qokuq Diosmi qamkunawan kanqa.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Rutwan Sutichasqa Libro 1:17

Maypim wañukusqaykipim ñoqapas wañusaq, chaypitaqmi pampakusaqpas. Sichum kawsananchikkama qanmanta rakikuptiyqa Diosyá anchata castigawachun, wañuyllañam qamtawan ñoqataqa rakinawasunchik, nispa.

1~Samuel 10:7

Kay señalkunata rikuchkaspaqa, atisqaykiman hinayá imatapas ruway, Diosmi qanwan kachkan.

1~Samuel 14:47

Israelpi kamachikuyta qallarisqan-mantam Saulqa muyuriqnin llaqtakunawan guerrapi karqa: Moab casta runakunawan, Amonpa mirayninkunawan, Edom casta runakunawan, Soba nacionpa reyninkunawan hinaspa filisteokunawan. Maymanña peleaq lloqsispapas vencemuqpunim.

1~Samuel 17:37

Leonmantapas ukumarimantapas libraqniy Tayta Diosmi, wak filisteomantapas librawanqa, nispan. Hinaptinmi Saúl nirqa: Chaynaqa, riyá, Tayta Diosyá qanwan kachun, nispa.

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 19:3

Ñoqam taytaywan qampa kasqayki sitioman hamusaq, chaypim qanmanta rimapayasaq, hinaspam imam niwasqanta willamusqayki, nispa.

1~Samuel 20:12

Chaypim Davidta Jonatán nirqa: Israelpa yupaychasqan Tayta Diosraykum niki, mincha punchaw kay horatam taytayta tapusaq paypa imam ruway munasusqaykita yachanaypaq. Qampaq allinlla kaptinqa willachimusqaykim.

1~Samuel 20:14

Sichum chay punchawkunakama kawsasaqraq hinaptinqa llakipayariwankim imaynam Tayta Diospas qamta llakipayasusqaykita hina. Sichum wañukusaq, hinaptinqa

1~Samuel 25:22

Chaymi juraspan nirqa: ¡Kunanmi chay enemigoy Nabalpa llapa runankunata wañurachimusaq, manam hukllapas puchunqachu, mana chayna kaptinqa Diosyá llumpayta castigawachun! nispa.

1~Samuel 3:17

Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.