1~Samuel 2:7 - CHUYA QELLQA La Biblia en Quechua de Ayacucho 2012

⁷ Tayta Diosllam wakchayachiqpas apuyachiqpas, payllataqmi uchuychaqpas hatunchaqpas.

Quechua Ayacucho Bible 1987

⁷ Tayta Diosllam pitapas wakchayachinman chaynataq apuyachinmanpas. Payllam pitapas urmachinman chaynataq sayarichinmanpas.

Chuya Qellqa 1992

⁷ Tayta Diosllam wakchayachiqpas apuyachiqpas, payllataqmi uchuychaqpas hatunchaqpas.

1~Samuel 2:7 Iomraidhean Croise

2~Reyes 9:6

Hatarispan cuartoman Jehú yayku-ruptinmi, aceiteta umanman talliykuspan chay profeta nirqa: Israelpa yupaychasqan Tayta Diosmi kaynata nin: “Ñoqam Israel nacionpi rey kanaykipaq sapaqchayki.

1~Crónicas 29:12

Apuyaywan ancha reqsisqa kaypas qanmantam hamun, kallpapas atiypas makikipim kachkan, atiypas ancha reqsisqa kaypas qamllamantam hamun.

2~Crónicas 32:27

Rey Ezequiasqa apullaña hinaspa ancha reqsisqam karqa; payqa qori-qollqetawan alhaja rumikunata, perfumekunata, escudokunata hinaspa tukuy rikchaq kuyayllapaq kaqkunatapas achkallatañam huñukururqa.

2~Crónicas 32:29

Paytaqa Diosmi apuyachirqa, chayraykum animalninkunapas taksa hatun achkallaña kapurqa, llaqtakunatapas ruwachirqam.

Jobwan Sutichasqa Libro 1:21

kaynata nirqa: Mamaypa wiksanmantaqa qalallam hamurqani, qalallataqmi kutisaqpas. Tayta Diosmi qowarqa, payllataqmi qechuruwanpas. Tayta Diospa sutinyá hatunchasqa kachun, nispa.

Jobwan Sutichasqa Libro 40:12

Mana kasukuqkunatayá qawarispa uchuychay, mana allin runakunatayá maypi kaptinkupas chinkachiy.

Jobwan Sutichasqa Libro 5:11

uchuychakuqkunatam hatunchan, llakipi tarikuqkunatam yanapan;

Proverbios 22:2

Apupas wakchapas chaynakamallam kanku Tayta Diospa unanchasqan kasqankupi.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Jeremías 49:15

Llapa nacionkunamantapas taksallatañam ruwasqayki, runakunapapas uchuychanantam ruwasqayki.

Ezequiel 17:24

Chaynapim llapallan purun sachakunapas Tayta Dios kasqayta yachanqaku, hatun tukuq sachata pampaman wikapaspaymi taksa kaq sachataña wiñachisaq, verde sachatam chakichini chaki sachatañataqmi verdeyachini. Ñoqa Tayta Diosqa imam nisqaytaqa cumplinipunim, nispa.

Santiago 4:10

Señorninchikpa qayllanpiyá uchuychakuychik, hinaptinqa paypas hatunchasunkichikmi.