1~Samuel 2:6 - CHUYA QELLQA La Biblia en Quechua de Ayacucho 2012

⁶ Tayta Diosllam wañuchinpas kawsachinpas, payllataqmi wañuqkunapa kasqanman wischuykuqpas, chaymanta hurqomuqpas.

Quechua Ayacucho Bible 1987

⁶ Tayta Diosllam pitapas wañurachinman chaynataq kawsarichinmanpas. Payllam wañuqkunapa kasqanman wischuykunman chaynataq horqomunmanpas.

Chuya Qellqa 1992

⁶ Tayta Diosllam wañuchinpas kawsachinpas, payllataqmi wañuqkunapa kasqanman wischuykuqpas, chaymanta hurqomuqpas.

1~Samuel 2:6 Iomraidhean Croise

1~Reyes 17:22

Tayta Diosmi Eliaspa mañakusqanta uyariruspan wawata kawsarirachirqa.

2~Reyes 5:7

Israel nacionpa reyninñataqmi cartata leeruspan pachanta llikipaspan nirqa: ¿Ñoqaqa Dioschu kani runata wañuchi-naypaq otaq kawsachinaypaqpas, chay-napi kay onqoqta kachamuwaptin sanoyachinaypaq? Yachaychikyá kaywanqa manam imatachu munan aswanqa guerrapi ñoqawan peleayllatam, nispa.

Jobwan Sutichasqa Libro 5:18

Diosqa runata heridaruspanpas hina kikillantaqmi hampiykun, pimanña nanayta qoykuspanpas hina payllataqmi hampiykun.

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Isaías 26:19

Qampi wañukuqkunam kawsarinqaku, ayaykikunam hatarimunqaku. Allpa ukunpi kaqkunam rikcharimuspa kusikuyllawanña qaparinqaku, sullata hinaraq kanchaynikita chayachiptikim wañuqkuna allpa ukumanta hatarimunqaku.

Ezequiel 37:12

Chaynaqa, runapa churin, ñoqa Tayta Diospa nisqayta kaynata niy: Runallaykuna, sepulturaykichikta kichaykuspaymi qamkunataqa kikiypuni hurqomusqaykichik, hinaspam allpaykichikman kutichimusqaykichik.

Ezequiel 37:3

Hinaptinmi Tayta Dios niwarqa: Runapa churin, ¿creenkichu kay tullukuna kawsarinanta? nispa. Chaymi ñoqañataq nirqani: Dios Taytalláy, qamllam chaytaqa yachanki, nispay.

Mateo 12:40

Imaynam Jonás kimsa punchaw kimsa tutan hatun challwapa wiksanpi karqa, chaynam runapa Churinpas kimsa punchaw kimsa tutan allpapa ukunpi kanqa.

Juan 11:25

Jesusñataqmi nirqa: Ñoqam kani kawsarichiqpas chaynataq kawsay qokuqpas. Pipas ñoqapi iñiqqa wañuspapas kawsarimunqam.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

1~Samuel 20:3

Chaymi David nirqa: Taytaykiqa allintam yachan llumpay amigo kasqanchikta. Chayraykum llakikunaykimanta mana willasunkimanchu. Ichaqa Diosrayku hinaspa qamraykum jurani, ¡ñoqaqa wañuypa patanpiñam tarikuchkani! nispa.