1~Samuel 2:30 - CHUYA QELLQA La Biblia en Quechua de Ayacucho 2012

³⁰ Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.

Quechua Ayacucho Bible 1987

³⁰ Chayraykum Israelpa yupaychasqan Tayta Dios nini kaynata: Ñoqam nirqani miraynikipas chaynataq abueloykikunapa mirayninpas wiñaypaqña serviwanankupaq. Kunanmi ichaqa mana chaynañachu kanqa. Ñoqaqa reqsisqatam rurasaq haykam yupaychawaqniytaqa. Despreciawaqniykunatam ichaqa ñakasaq.

Chuya Qellqa 1992

³⁰ Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.

1~Samuel 2:30 Iomraidhean Croise

1~Reyes 11:11

Chayraykum Salomonta Tayta Dios nirqa: Kaynata kawsaspa kamachisqay pactotawan yachachikuyniykunata mana kasukusqaykiraykum munaychakuynikita qanmanta qechuspay serviqnikimanña qoykusaq.

1~Reyes 2:27

Chaynatam Tayta Diospa sacerdoten Abiatarta rey Salomón qarqorurqa, chaynapim Eliypa mirayninpa contranpi Silo llaqtapi Diospa rimasqan cumplikurqa.

1~Crónicas 17:18

¿Imatawanraqtaq nikiman kay serviqnikita hatunchasqaykimanta? Kay serviqnikitaqa qanmi reqsiwanki.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

2~Crónicas 26:18

paykunam rey Uziaspa contranpi sayarispanku nirqaku: Rey Uzías, Tayta Diospaq inciensotaqa manam qamchu kañanayki, chaytaqa Aaronpa miraynin sacerdotekunallam ruwananku, ñoqallaykum chaykunata ruwanaykupaqqa sapaqchasqa kaniku. Chaynaqa, kay santuariomanta lloqsiy, kay ruwasqaykiwanqa Tayta Diospa contranpim sayarirunki, chayraykum Tayta Diosqa manaña hatunchasunkiñachu, nispanku.

Éxodo 28:43

Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.

Éxodo 29:9

Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Proverbios 4:8

Yachayta kuyaptikiqa paypas hatunchasunkim, yachayman hapipakuptikiqa ancha reqsisqatam ruwasunki,

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Jeremías 29:32

Chayraykum ñoqa Tayta Dios kaynata nini: Nehelam llaqtayuq Semaiastam mirayninkunatawan kuskata castigasaq. Mirayninkunamantaqa manam pipas runaykuna ukupi yachaqqa kanqachu. Llaqtaytam ñoqa Tayta Diospa contraypi hatarichirqa, chayraykum Semaiasqa runaykunata favoreceptiypas mana rikunqachu. Ñoqa Tayta Diosmi chaynata nini.

Jeremías 49:15

Llapa nacionkunamantapas taksallatañam ruwasqayki, runakunapapas uchuychanantam ruwasqayki.

Ezequiel 34:10

Ñoqa Tayta Diosmi kaynata nikichik: Michiqkuna, contraykichikpim kachkani, qamkunamantam ovejaykunata mañasqaykichik; manaña michiqnin kanaykichikpaqmi qarqorusqaykichik, chaynapim manaña kikillaykichiktaqa michikunkichikñachu. Ovejaykunatam simikichikmanta qechurusqaykichik, chaynapi manaña mikunaykichikpaq.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Malaquías 1:6

Tukuy Atiyniyuq Tayta Diosmi sacerdotekunata kaynata nin: Warmakunaqa taytankutam respetan, criadokunapas patronninkutam kasukunku. Sichum taytaykichik ñoqa kaptiyqa, ¿imanasqataq mana respetawankichikchu? Sichum patronnikichik kaptiyqa ¿imanasqataq mana kasuwankichikchu? Qamkunaqa sutiyta despreciachkaspapas kaynataraqmi ninkichik: “¿Imapitaq ñoqayku despreciarqaykiku?” nisparaq.

Malaquías 2:3

Ñoqaqa atiynikichikta qechuruspaymi, sacrificanaykichikpaq apamusqaykichik animalpa akanwan uyaykichikman laqaykusqaykichik. Hinaptinmi chay akawan kuska wischusqa kankichik.

Números 11:20

Aswanqa killantinmi senqankutapas lloqsinankama hinaspa millakuspa aminankukama mikunqaku. Ñoqa Tayta Dios paykunawan kachkaptiymi qepanchawaspanku qayllaypi waqaspa nirqaku: “¿Imapaqraq Egipto nacionmanta lloqsimurqanchik?” nispanku.

Números 35:34

Yachanaykichikpaq allpataqa amam millakuypaqta ruwankichikchu, chay yachanaykichik allpapiqa ñoqapas yachasaqmi. Ñoqa Tayta Diosqa Israelpa mirayninkuna ukupim yachani, nispa.

Juan 12:26

Pipas serviwayta munaspaqa qatiwachunyá, payqa ñoqapa kasqaypim kanqa, serviwaqniytaqa Taytaymi ancha reqsisqata ruwanqa.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Juan 8:49

Jesusñataqmi nirqa: Manam demonioyqa kanchu, ñoqaqa Taytaytam hatunchani, qamkunam ichaqa penqayman churawankichik.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

Jueces 9:10

Hinaptinsi sachakunaqa higos sachataña nisqaku: “Qamyá kamachiwayku”, nispanku.