1~Samuel 2:28 - CHUYA QELLQA La Biblia en Quechua de Ayacucho 2012

²⁸ Chaymi Israelpi llapallan ayllukunamanta ñawpaq taytayki Aaronpa castankunata akllarqani sacerdoteykunaña kanankupaq, chaynapi animalkunata altarniypa hawanpi chaynataq inciensotapas kañapuwanankupaq hinaspa efodwan churakuspa ñawpaqniypi serviwanankupaq. Qorqanitaqmi Israelpa mirayninkunapa kañasqan ofrendakunatapas.

Quechua Ayacucho Bible 1987

²⁸ Chaymi Israel llapallan ayllukunamanta ñawpa abueloyki Aaronpa castankunata akllarqani sacerdoteykunaña kanankupaq, chaynapi altarniypa hawanpi animalkunata kañapuwanankupaq chaynataq inciensotapas kañapuwanankupaq chaynataq *f**efodwanpas churakuspa ñawpaqniypi serviwanankupaq. Ñawpa sacerdote abueloykikunamanqa qorqanitaqmi Israelpa mirayninkunapa kañasqanku ofrendakunatapas.

Chuya Qellqa 1992

²⁸ Chaymi Israelpi llapallan ayllukunamanta ñawpaq taytayki Aaronpa castankunata akllarqani sacerdoteykunaña kanankupaq, chaynapi animalkunata altarniypa hawanpi chaynataq inciensotapas kañapuwanankupaq hinaspa efodwan churakuspa ñawpaqniypi serviwanankupaq. Qorqanitaqmi Israelpa mirayninkunapa kañasqan ofrendakunatapas.

1~Samuel 2:28 Iomraidhean Croise

2~Samuel 12:7

Chaymi Davidta Natán nirqa: Chay runaqa qanmi kanki. Israelpa yupaychasqan Tayta Diosmi kaynata nin: “Ñoqam aceitewan tallichispay Israel nacionpi munaychakunaykipaq sapaqcharqayki, Saulpa makinmantapas libraspay.

2~Samuel 6:14

Davidmi linomanta efodwan pachasqa Tayta Diospa ñawpaqninpi tukuy kallpanwan danzarqa.

Éxodo 28:1

Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq.

Éxodo 28:4

Kaykunam ruwananku pachakuna: Pectoral, efod, capa, bordasqa túnica, mitra hinaspa chumpi. Chay pachakunatam wawqeki Aaronpaqwan churinkunapaq ruwanqaku chaynapi sacerdoteykuna kanankupaq.

Éxodo 30:7

Sapa tutapaytam mecherokuna alistana horapi, chay altarpa hawanpi miskillaña asnariq inciensota Aarón kañapuwanqa.

Éxodo 30:8

Tutaykuqtañataqmi me-cherokuna ratachina horata, ñoqa Tayta Diospa ñawpaqniypim inciensota Aarón kañapuwanqa. Qamkunapas miraynikikunapas mana tipiytam wiñaypaq chaynata ruwankichik.

Levítico 2:10

Chay ofrendamanta puchuqñataqmi Tayta Diosman ofrecesqa kaspa chuya kasqanrayku Aaronpaqwan mirayninkunapaq kanqa.

Levítico 2:3

Chay ofrendamanta puchuqñataqmi Aaronpaqwan mirayninkunapaq kanqa. Chay ofrendaqa kañasqa ofrendakunamanta ñoqallapaqña chuya ofrendam.

Levítico 6:16

Chay ofrendamanta puchuq harinatañataqmi Aaronpiwan mirayninkuna mana levadurayuqta mikunqaku, Diosman asuykuna carpapa ñawpaqninpi, chaypaq akllasqa sitiopi.

Levítico 7:32

Ñoqawan allinlla kasqaykichikmanta ofrecewasqaykichik animalpa alleq piernantam sacerdoteman qonkichik, chayqa sacerdoteman paganaykichik ofrendam.

Levítico 7:36

Sacerdotekuna aceitewan tallisqa kasqanku punchawmantaraqmi Tayta Dios kamachirqa Israelpa mirayninkuna tukuy kaykunata qonankupaq. Chay decretoqa wiña-wiñaypaq qosqam karqa.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.

Números 18:19

Israelpa mirayninkuna ñoqa Tayta Diospaq sapaqchapuwasqan ofrendakunatam qanman qoyki chaynataq qanwan yachaq qari-warmi churikikunamanpas. Chayqa wiñaypaq kamachikuymi kanqa. Chaymi wiñaypaq pactoy kanqa, qampaqpas chaynataq miraynikikunapaqpas, nispa.

1~Samuel 14:3

Tayta Diospa sacerdotenmi karqa Ahitobpa churin Ahías, paymi efodwan churakusqa karqa. Ahitobqa karqa Icabodpa wawqenmi, Icabodñataqmi karqa Fineespa churin hinaspa Silo llaqtapi Tayta Diospa sacerdoten Eliypa willkan. Manam pipas yacharqachu Jonatanpa pasakusqantaqa.

1~Samuel 2:18

Samuelñataqmi linomanta efodwan pachasqa Diosta serviq. Payqa karqa warmallaraqmi.