1~Samuel 2:20 - CHUYA QELLQA La Biblia en Quechua de Ayacucho 2012

²⁰ Chaymi sacerdote Elí, Elcanatawan warmin Anata bendecispa kaynata nirqa: Tayta Diosyá kay warmikipi, Diosmanta mañakusqan wawapa rantinpi, achka churikikunata qosunki, nispa. Chaymantam wasinkuman kutikurqaku.

Quechua Ayacucho Bible 1987

²⁰ Chaymi Elcanapaqwan warminpaq sacerdote Eliy Diospa bendicionninta mañakuspan Elcanata niq: —Kay warmikim Tayta Diosmanta mañakusqan wawan Samuelta qoykurqa payman, chaynaqa kay warmikipiyá Dios qosunki churikikunata kay warmapa rantinpi —nispa. Chaymantam kutikuqku wasinkuman.

Chuya Qellqa 1992

²⁰ Chaymi sacerdote Elí, Elcanatawan warmin Anata bendecirqa kaynata nispan: Tayta Diosyá kay warmikipi, Diosmanta mañakusqan wawapa rantinpi, achka churikikunata qosunki, nispa. Chaymantam wasinkuman kutikurqaku.

1~Samuel 2:20 Iomraidhean Croise

Génesis 14:19

Paymi Abramta bendecispan nirqa: Abram, kay pacha hanaq pacha unanchaq Diosyá bendecisunki.

Malaquías 2:15

¿Manachum runataqa Dios unancharqa huk cuerpoyuqlla hinaspa huk espirituyuqlla kananpaq? ¿Imapaqtaq Diosqa chaynata unancharqa? Chaynataqa unancharqa runakunapa miraynin Diosllapaqña kananpaqmi. Chaynaqa, Diospa qosusqaykichikta waqaychaspayá, jovenllaraq kachkaspa akllakusqaykichik warmikichiktaqa ama traicionaychikchu.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Rutwan Sutichasqa Libro 2:12

Diosyá tukuy chaykuna ruwasqaykimanta kutichipusunki, Israelpa yupaychasqan Diosyá bendecisunki payman hapipakamusqaykirayku, nispa.

Rutwan Sutichasqa Libro 4:11

Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

1~Samuel 1:11

Chaymi prometekuspan Ana kaynata nirqa: Tukuy Atiyniyuq Tayta Diosnilláy, kay serviqnikipa ñakarisqanta qawaykuwaspaykiyá ama qonqaruwaychu. Qari wawata qoykuwaptikiqa Diosnilláy qampaqmi wañukunankama sapaqchapusqayki, chayraykum chukchanpas mana rutusqa kanqa, nispan.