1~Samuel 2:10 - CHUYA QELLQA La Biblia en Quechua de Ayacucho 2012

¹⁰ Tayta Diosmi chinkarachinqa contranpi sayariqkunataqa, hanaq pachamantam rayokunata hawankuman kachaykamunqa. Tayta Diosmi juzganqa kay pachapi runakunataqa; kallpanchanqam akllakusqan reytapas, akllakusqanpa atiynintam hatunchanqa, nispa.

Quechua Ayacucho Bible 1987

¹⁰ Tayta Diosmi pasaypaqta tukurunqa, contranpi sayariqkunataqa. Paykunapa contranpim cielomanta kachaykamunqa rayokunata. Tayta Diosmi juzganqa kay pachapi llapallan runakunata. Qonqam atiyta akllakusqan reymanpas. Kallpanchanqam aceitewan tallispa nombrasqantapas.

Chuya Qellqa 1992

¹⁰ Tayta Diosmi chinkarachinqa contranpi sayariqkunataqa, hanaq pachamantam rayokunata hawankuman kachaykamunqa. Tayta Diosmi juzganqa kay pachapi runakunataqa; kallpanchanqam akllakusqan reytapas, akllakusqanpa atiynintam hatunchanqa, nispa.

1~Samuel 2:10 Iomraidhean Croise

2~Samuel 22:14

Hanaq pachamanta qaparimuptinmi tukuy imapa hawanpi munaychakuq Diospa rimariyninmi rayo hinaraq uyarikurqa.

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

2~Samuel 7:8

Chaynaqa, ñoqa Tukuy Atiyniyuq Tayta Diospa nisqaytayá serviqniy Davidman kaynata nimuy: “Oveja michis-qaykimantam Israel llaqtaypi kamachikuq kanaykipaq hurqomurqayki.

Jobwan Sutichasqa Libro 40:9

¿Ñoqa hina atiyniyuqchu kanki? ¿Rayopa qaparisqanta hinachu qampas qaparinki?

Éxodo 15:6

Dios Taytallayku, atiynikitam qawaykachikunki; Dios Taytallayku, alleq makikiwanmi enemigota ñutururqanki.

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 12:14

Runaqa imataña ruwaspanpas, allin kaqta otaq mana allin kaqtaña ruwaspanpas, mana pipa rikusqantaña ruwaspanpas, Diospa juzgasqanmi kanqa.

Isaías 29:6

Tukuy Atiyniyuq Tayta Diosmi, wayra-parawan, loco parawan, llumpay terremotowan, lliw ruparuq lenwachkaq ninawan, enemigoykikunata ñakarichinqa.

Isaías 32:1

Mana pimanpas sayapakuspa munaychakuq reymi kanqa, kamachikuypi yanapaqninkunapas lliwpaqmi allinkunallata ruwanqa.

Isaías 45:24

Ñoqamantam ninqaku: “Cheqaptapunipas Tayta Diosllapim tarikun munaychakuypas kallpanchakuypas”, nispanku. Llapallan cheqniqniy runakunam ñoqaman hamunqaku, hinaspam penqaypi tarikunqaku.

Ezequiel 29:21

Chay tiempopim Israelpa mirayninkunata kallpasapallataña ruwarusaq, hinaptinmi qamñataq Ezequiel mana upallakuykuspa paykunapa chawpinpi rimanki, chaynapim Tayta Dios kasqayta yachanqaku.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Lucas 1:69

Tukuy Atiyniyuq Salvaqninchiktam kachamuwarqanchik, payqa serviqnin Davidpa mirayninmi.

Lucas 19:27

Rey kanaypaq mana munaq enemigoykunatapas pusamuspaykichik qayllaypi wañuchiychik”, nispa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 4:27

Cheqaptapunim rey Herodeswan Poncio Pilato kay llaqtapi huñunakururqaku huklaw nacionniyuq runakunawan hinaspa Israel llaqtawan qampa sapaqchakusqayki serviqniki Jesuspa contranpi.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Jueces 5:31

¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.

1~Samuel 12:13

Chaynaqa, kayqaya qamkunapa akllakusqaykichik rey. Diosmi mañakusqaykichikman hina qoykusunkichik.

1~Samuel 12:17

Yachasqaykichikpi hinapas trigo rutuy tiempoqa manam paramunchu. Ichaqa Tayta Diostam ñoqa mañakusaq rayota toqyachimuspa parata chayachimunanpaq, chayraqmi yachankichik, rey mañakusqaykichikqa Tayta Diospa qayllanpi llumpay mana allin kasqanta.

1~Samuel 12:18

Samuelmi Tayta Diosta mañakurqa, hinaptinmi Diosqa rayokunatawan parata chaypunilla kachaykamurqa. Chaymi llapa runakuna Diostawan Samuelta anchallataña manchakurqaku.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

1~Samuel 15:28

Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.

1~Samuel 16:1

Tayta Diosmi Samuelta nirqa: ¿Haykapikamataq Saulmanta waqanki? Ñoqaqa Israelpi rey kayninmantam qarqoruniña. Aceite apaykachanayki waqraman aceiteta hillpuspayá Belén llaqtayuq Isaipa wasinman riy, paypa huknin churintam rey kananpaq akllaruni, nispa.

1~Samuel 7:10

Samuelmi sacrificiota kañas-pan Tayta Diosman ofrecech-karqa, chayllamanmi filisteokuna chayaramurqaku Israel runakunawan peleanankupaq; hinaptinmi atiyniyuq Diosñataq filisteokunapa contranpi nisyullay nisyu rayota kachaykamurqa, chaymi mancharikuymanta, filisteokuna vencerachikurqaku.