1~Samuel 19:4 - CHUYA QELLQA La Biblia en Quechua de Ayacucho 2012

⁴ Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.

Quechua Ayacucho Bible 1987

⁴ Chaynapimá Jonatanqa Davidpa favorninpi taytanwan rimaspan nirqa: —Reynilláy, amayá ruraychu ima mana allintapas sirvienteki Davidpa contranpiqa. Payqa manam ima mana allintapas rurasurqankichu aswanqa allinllatam.

Chuya Qellqa 1992

⁴ Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.

1~Samuel 19:4 Iomraidhean Croise

Génesis 42:22

Rubenñataqmi nirqa: Ñoqaqa nirqaykichikmi “Ama huchallikuychikchu warmapa contranpi” nispay, ichaqa manam kasuwarqankichikchu, kunanmi vidanmanta ñakarichkanchik, nispa.

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

2~Crónicas 6:22

Sichum pipas runamasinpa contranpi huchallikuruptin chay runata kay templopi altarnikipa ñawpaqninpi jurachiptinkuqa,

Proverbios 17:13

Allin ruwaqninta mana allinwan kutichipuqpa wasinmantaqa, sasachakuypas manam asurinqachu.

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

1~Corintios 8:12

Chaynaqa, pisi iñiy-niyuq wawqekunapa conciencianpa contranpi huchallikuspaqa, kikin Cristopa qayllanpim huchallikuchkankichik.

1~Juan 3:15

Pipas iñiqmasinta cheqniqqa runa wañuchiqmi. Yachasqanchikpi hinapas runamasin wañuchiqqa manaraqmi wiñay kawsayniyuqchu.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.

1~Samuel 20:32

Chaymi taytanta Jonatán tapurqa: ¿Imanasqataq wañuchisqa kanqa? ¿Ima mana allintataq ruwarun? nispa.

1~Samuel 22:14

Hinaptinmi reyta Ahimelec nirqa: Llapallan serviqnikikunamantapas David hina confiakunapaq runaqa manam kanchu, chaywanpas payqa masaykim hinaspa waqaychasuqniki soldadokunapa kamachiqninmi. Wasikipiqa pay hina allin respetasqa runaqa manam kanchu.