1~Samuel 19:24 - CHUYA QELLQA La Biblia en Quechua de Ayacucho 2012

²⁴ Chaymantam Saulqa pachantapas chustukuruspan Samuelpa ñawpaqninpi qalallaña profetizarqa, hinaspanmi tukuy punchaw chaynataq tukuy tuta pampapi qalalla karqa. Chayraykum runakuna rimakuqku: ¿Saulpas profetañachus kasqa? nispanku.

Quechua Ayacucho Bible 1987

²⁴ Chaymantam Saulqa pachantapas chustukuruspan qalallaña Samuelpa ñawpaqninpi Diosmanta rimarqa, wichiykuspanmi tukuy punchaw pampapi qalalla karqa. Chayraykum runakuna rimakuqku: —¿Saulpas kasqa Diosmanta willakuqñachus? —nispa.

Chuya Qellqa 1992

²⁴ Chaymantam Saulqa pachantapas chustukuruspan Samuelpa ñawpaqninpi qalallaña profetizarqa, hinaspanmi tukuy punchaw chaynataq tukuy tuta pampapi qalalla karqa. Chayraykum runakuna rimakuqku: ¿Saulpas profetañachus kasqa? nispanku.

1~Samuel 19:24 Iomraidhean Croise

2~Samuel 6:14

Davidmi linomanta efodwan pachasqa Tayta Diospa ñawpaqninpi tukuy kallpanwan danzarqa.

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

Isaías 20:2

Chay watapim Amozpa churin Isaiasta Tayta Dios kaynata kamachirqa: Qachqa pachaykitawan usutaykita chustukuy, nispa. Hinaptinmi Isaiasqa chaynata ruwaspan mana pachayuq chaynataq qala chakilla purirqa.

Miqueas 1:8

Hinaptinmi nirqani: Hatun llakikuywanchá waqapakusaq, qala chakillachá purisaq, mana pachayuqchá purisaq, atoqkuna hinachá allwasaq, avestruzkuna hinachá qaparkachasaq.

Números 24:4

Diospa rimasqankunata uyariqmi, Tukuy Atiyniyuq Tayta Diospa qawachisqanta rikuqmi kaynata nini:

Hechos 9:21

Lliw uyariqkunañataqmi admirakuspanku kaynata ninakurqaku: ¿Manachum kay runaqa Jerusalén llaqtapi purirqa Jesucristopa sutinpi iñiqkunata qatikachastin? ¿Manachum kaymanpas hamurqa iñiqkunata presocharuspan sacerdotekunapa kamachiqninkunaman apananpaq? nispanku.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 15:35

Samuelmi wañukunan punchawkama Saulta mana rikurqañachu hinaspanmi Saulmanta anchata waqarqa. Tayta Diosmi pesakurqa Saulta Israelpi rey kananpaq churasqanmanta.

1~Samuel 18:10

Paqarinnintinmi Saulta Diospa kacha-musqan mana allin espíritu hapirurqa, hinaptinmi Saulqa palacion ukupi loco hinaña hapisqanta rimakurqa. Davidña-taqmi ñawpaq tocapusqanta hina arpata tocarqa. Saulqa lanza hapirisqam kachkarqa.