1~Samuel 19:23 - CHUYA QELLQA La Biblia en Quechua de Ayacucho 2012

²³ Chaylawman Saúl riptinmi paytapas Diospa Espiritun huntaykurqa, hinaptinmi paypas profetizastin Ramá llaqtapa hichpan Naiotman chayarurqa.

Quechua Ayacucho Bible 1987

²³ Chaylawman Saul pasaptinmi paytapas Diospa Espiritun hapirurqa hinaptinmi paypas Diosmanta willakuqkuna hinaña rimarqa. Hina chayna rimastinmá rirqa Rama llaqtapa hichpan Naiot lawman chayanankama.

Chuya Qellqa 1992

²³ Chaylawman Saúl riptinmi paytapas Diospa Espiritun huntaykurqa, hinaptinmi paypas profetizastin Ramá llaqtapa hichpan Naiotman chayarurqa.

1~Samuel 19:23 Iomraidhean Croise

Proverbios 16:9

Runaqa sonqonpim imaynam kawsananta tantean, ichaqa Tayta Diosmi purinan ñantaqa allichan.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Números 23:5

Rimananpaq Balaamta yachachis-panmi Tayta Dios nirqa: Rey Balacman kutispa nisqayta hinalla nimuy, nispa.

Números 24:2

Israelpa mirayninkunata ayllupuralla samasqankuta rikururqa, hinaptinmi Diospa Espiritun Balaamman huntaykurqa.

Mateo 7:22

Juicio punchawpiqa achkallañam niwanqaku: “Señorlláy, Señorlláy, ¿manachum sutikipi profetizarqaniku? ¿Manachum demoniokunatapas sutikipi qarqor-qaniku? ¿Manachum achka milagrokunatapas sutikipi ruwarqaniku?” nispanku.

Juan 11:51

Chaykunataqa Caifasqa rimarqa manam kikillanmantachu, chay watapi sumo sacerdote kasqanraykum Dios revelarqa, chaymi profetizarqa nacionpa rantinpi Jesuspa wañunanmanta.

1~Corintios 13:2

Sichum profetizayman, pakasqa kaqkunatawan, reqsiymantaq tukuy rikchaq yachaykunatapas chaynataq iñiyniypas kanman orqokunata maymi kasqanmanta suchuchinaypaq, mana kuyakuyniy kaptinqa manam imapaqpas valenichu.

1~Samuel 10:10

Chaymantam criadonpiwan Saúl pasaspan chayarurqa Gabaa sutiyuq llaqtaman, chaypim profetakunawan tupanakururqaku. Hinaptinmi Saulman Diospa Espiritun huntaykuptin paykunawan kuska profetizarqa.

1~Samuel 10:12

Chaymi hukkaqnin nirqa: ¿Pitaq paykunapa taytanqa? nispa. Chaymantam kay rimay qallarirqa: “Saulpas profetañam kasqa”, niq rimay.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 18:10

Paqarinnintinmi Saulta Diospa kacha-musqan mana allin espíritu hapirurqa, hinaptinmi Saulqa palacion ukupi loco hinaña hapisqanta rimakurqa. Davidña-taqmi ñawpaq tocapusqanta hina arpata tocarqa. Saulqa lanza hapirisqam kachkarqa.

1~Samuel 19:18

Chaynatam David lluptikurqa hinaspam Samuelwan tupananpaq Ramá llaqtaman rirqa. Chayaruspanmi Samuelman willakurqa imaynam payta Saúl tukuy mana allin ruwasqanta. Chay-mantam Samuelwan ripukurqa Naiot lawpi yachanankupaq.

1~Samuel 19:20

Chaymi runankunata Saúl kachar-qa Davidta hapimunankupaq. Chaya-ruspankum chay runakuna tarirurqaku achka profetakunata Samuelwan kuska profetizachkaqta. Hinaptinmi paykunamanpas Diospa Espiritun huntaykuptin paykunapas profetizayta qallaykurqaku.

1~Samuel 19:22

Chaymi kikin Saulña Ramá llaqtaman pasarqa, hinaspam Secú lawpi pozoman chayaruspan tapukurqa: ¿Maypitaq Samuelwan David kachkanku? nispa. Hinaptinmi hukkaqnin willaykurqa: Ramá llaqtapa hichpan Naiot lawpim, nispa.