1~Samuel 18:9 - CHUYA QELLQA La Biblia en Quechua de Ayacucho 2012

⁹ Chay punchawmantam Davidta Saúl cheqnipakururqa.

Quechua Ayacucho Bible 1987

⁹ Chay punchawmantam Saulqa envidiawanña qawarqa Davidta.

Chuya Qellqa 1992

⁹ Chay punchawmantam Davidta Saúl cheqnipakururqa.

1~Samuel 18:9 Iomraidhean Croise

Génesis 31:2

Jacobqa qawarqataqmi Labanpa hukmanyarusqantawan manaña ñawpaq hina kasqantapas.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Mateo 20:15

¿Manachum qollqeywanqa munasqayta ruwayman? ¿Icha allin runa kasqaywanchu envidiakunki? nispa.

Marcos 7:22

waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna.

Efesios 4:27

Huchaman diablo urmachisunaykichiktaqa amayá saqekuy-chikchu.

Santiago 5:9

Wawqe-panillaykuna, amayá qamkunaqa quejanakuychikchu, chaynapi ama castigasqa kanaykichikpaq, punkupi hinallañam juzgawaqninchikqa kachkan.

1~Samuel 18:10

Paqarinnintinmi Saulta Diospa kacha-musqan mana allin espíritu hapirurqa, hinaptinmi Saulqa palacion ukupi loco hinaña hapisqanta rimakurqa. Davidña-taqmi ñawpaq tocapusqanta hina arpata tocarqa. Saulqa lanza hapirisqam kachkarqa.

1~Samuel 18:8

Chay takisqankuta Saúl uyariruspanmi llumpayta piñakuspan nirqa: Davidmantam chunka waranqa wañu-chisqanmanta takichkanku, ñoqamanta-ñataqmi waranqalla wañuchisqaymanta. Reyta churanallankuñam faltan, nispa.

1~Samuel 19:1

Saulmi churin Jonatantawan llapallan serviqninkunata kamachirqa Davidta wañurachinankupaq. Ichaqa Jonatanmi Davidta anchata kuyarqa.