1~Samuel 18:6 - CHUYA QELLQA La Biblia en Quechua de Ayacucho 2012

⁶ Filisteo runata David wañuchis-qanmanta tropakuna kutimuptinmi, Israel nacionpi llaqtakunamanta llapa warmikuna kusikuyllawanña takispa tusustin hinaspa rikchaqmana tocanakunata tocastin lloqsimurqaku, rey Saulta chaskinankupaq.

Quechua Ayacucho Bible 1987

⁶ Ichaqa chay Filistea runata wañuchisqanmanta Davidwan tropakuna kutimuptinmi Rey Saul chaskiq warmikuna lloqsimurqaku Israel nacionpi llapallan llaqtakunamanta. Lloqsimurqankumá kusikuyllawanña takistin, tusustin hinaspa tinyakunatawan arpachakunata tocastin.

Chuya Qellqa 1992

⁶ Filisteo runata David wañuchisqanmanta tropakuna kutimuptinmi, Israel nacionpi llaqtakunamanta llapa warmikuna kusikuyllawanña takispa tusustin hinaspa rikchaqmana tocanakunata tocastin lloqsimurqaku, rey Saulta chaskinankupaq.

1~Samuel 18:6 Iomraidhean Croise

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 6:5

Davidwan Israel runakunañataqmi, Tayta Diospa ñawpaqninta rirqaku tukuy sonqomanta takistin, danzastin, arpakunata, tinyakunata, panderetakunata hinaspa platillokunata tocastin.

Éxodo 15:20

Chaymi Aaronpa panin María Diospa profetan kasqanrayku tinyanta hapiykurqa, llapa warmikunapas paypa qepantam tinyankuta tocastin, tusustin lloqsirqaku.

Éxodo 15:21

Mariañataqmi takispan nirqa: Tayta Diosman takiychik, hatun atiynintam qawachikurqa. Caballokunatapas sillakuqnintintam lamar qochapi chinkarachirqa, nispa.

Isaías 30:32

Tayta Dios sapa kutilla varanwan waqtaptinmi tamborkunapiwan arpakunapas waqanqa. Tayta Diosmi chaqwallawanña paykunapa contranpi peleanqa.

Jueces 11:34

Mizpa llaqtapi wasinman Jefté kutimuptinmi, sapallan warmi churin lloqsiramurqa, paymi taytanta chaskinanpaq panderetawan tusustin lloqsimurqa. Jefteypaqa manam huk churinqa karqachu.

1~Samuel 18:5

Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.