1~Samuel 18:5 - CHUYA QELLQA La Biblia en Quechua de Ayacucho 2012

⁵ Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.

Quechua Ayacucho Bible 1987

⁵ Davidmi Saulpa tukuy ima kamachisqanta allintapuni ruraq hinaptinmi Saulqa churarurqa guerrapi peleaq runakunapa kamachiqninpaqña kananpaq chaymi llapallan tropakunatapas chaynataq Saulpa serviqninkunatapas agradarqa.

Chuya Qellqa 1992

⁵ Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.

1~Samuel 18:5 Iomraidhean Croise

Génesis 39:23

Carcelpi kamachikuqmi Joseyman kunaykusqan punchawmanta manaña preocupakurqañachu Joseywan Dios kasqanrayku. Tayta Dios yanapaptinmi tukuy ima ruwasqanpas allin karqa.

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

2~Samuel 5:2

Pasaq watakunapi Saúl kamachiwachkaptinkupas, qanmi Israelpa tropankunataqa kamachirqanki. Tayta Diosmi prometesurqanki: “Qanmi oveja michiq hina Israel runaykunata kamachispa munaychakunki”, nispa.

2~Crónicas 17:3

Tayta Diosmi rey Josafatta yanaparqa, payqa ñawpaq taytan Davidpa kawsasqanta hinam kawsarqa, manam Baal idolokunataqa servirqachu,

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Hechos 7:10

hinaspam llapa ñakariyninkunamanta librarqa. Dios yanapaptinmi Joseyqa allin yachayniyuq karqa, chaymi rey Faraonpas allinpaq qawaspan Joseyta akllarqa Egipto nacionpi hinaspa kikin reypa wasinpi kamachikuq kananpaq.

Efesios 5:17

Chaynaqa, amayá mana yuyayniyuqkuna hinaqa kaychikchu, aswanqa imam Señorpa munaynin kasqantayá allinta yachaychik.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

Jueces 1:19

Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

1~Samuel 13:2

Israel runakunamanta kimsa waranqa qarikunata akllaykurqa. Chay qarikunamantam iskay waranqa Micmas llaqtapi hinaspa Bet-elpa orqonkunapi Saulwan karqaku, waranqañataqmi Jonatanwan Benjamín ayllupa allpan Gabaa llaqtapi karqaku. Puchuq runakunatañataqmi wasinkuman Saúl aviarurqa.

1~Samuel 14:52

Saulpa munaychakuyninpiqa tukuy tiempom filisteokunawan guerra karqa, chaymi Saúl qawaq kallpasapa allinnin qari-qari runakunata, hinaspam paykunata tropankunapaq huñuq.

1~Samuel 18:16

Israel runakunawan Judá runakunañataqmi Davidta kuyarqaku. Payqa tropankunata kamachispanmi tukuy hinastinman riq.

1~Samuel 18:30

Filistea tropa kamachiqkuna sapa kuti peleaq lloqsimuptinkum David vencerariq Saulpa llapallan soldadonkunamantapas aswan mastaraq, chaynapim Davidqa ancha reqsisqa rikurirurqa.

1~Samuel 18:4

Chaymi Jonatán capanta hurqokuykuspan Davidman qoykurqa, qoykurqataqmi espadantawan flechanantapas hinaspa weqaw watantapas.

1~Samuel 18:6

Filisteo runata David wañuchis-qanmanta tropakuna kutimuptinmi, Israel nacionpi llaqtakunamanta llapa warmikuna kusikuyllawanña takispa tusustin hinaspa rikchaqmana tocanakunata tocastin lloqsimurqaku, rey Saulta chaskinankupaq.

1~Samuel 3:19

Samuelpa wiñasqanman hinam, Tayta Diosqa paywan karqa; payqa manam usuchirqachu nitaqmi yanqacharqachu Diospa Chuya simintapas.