1~Samuel 18:30 - CHUYA QELLQA La Biblia en Quechua de Ayacucho 2012

³⁰ Filistea tropa kamachiqkuna sapa kuti peleaq lloqsimuptinkum David vencerariq Saulpa llapallan soldadonkunamantapas aswan mastaraq, chaynapim Davidqa ancha reqsisqa rikurirurqa.

Quechua Ayacucho Bible 1987

³⁰ Filistea tropa kamachiqkuna sapa kuti peleaq lloqsiptinkum David vencerariq Saulpa llapallan soldadonkunamantapas aswan mastaraq chaynapim Davidqa karqa aswan-aswan runakunapa respetasqan.

Chuya Qellqa 1992

³⁰ Filistea tropa kamachiqkuna sapa kuti peleaq lloqsimuptinkum David vencerariq Saulpa llapallan soldadonkunamantapas aswan mastaraq, chaynapim Davidqa ancha reqsisqa rikurirurqa.

1~Samuel 18:30 Iomraidhean Croise

2~Samuel 11:1

Hamuq wata chayaramuptinmi, reykunapa guerraman lloqsinanku tiempopi, Joabta chaynataq Israel tropakunata capitannintintakama David kamachirqa Amonpa tropankunawan peleamunanpaq; chaymi Amón tropakunata venceruspanku Rabá llaqtatapas muyuriqninpi churakuruspanku wichqarurqaku. Davidmi ichaqa Jerusalenpi qeparurqa.

2~Samuel 7:9

Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

2~Reyes 1:13

Huktawanmi rey kacharqa huk capitan-ta pichqa chunka soldadokunatawan, chaymi Eliaspa kasqanman chayaruspan paypa qayllanpi qonqorakuykuspan ruegakurqa: Diospa profetan, ruegakuykim vidallay-tawan kay pichqa chunka serviqnikikunapa vidantayá kuyapayariy.

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

1~Pedro 2:7

Qamkunapaqqa chay rumiqa ancha valorniyuqmi, mana iñiqkunapaqmi ichaqa Qellqapa kayna nisqan cumplikun: “Wasi perqaqkunapa wischupakusqanku rumim cimientopa esquinan hapiq rumiña rikurirun”, nispa.

1~Samuel 18:29

Chaymi Saulqa aswan mastaraq Davidta manchakururqa. Chaymantapunim Saulqa wañukunankama Davidpa enemigon rikurirurqa.

1~Samuel 18:5

Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.

1~Samuel 19:8

Huktawan guerra qallaykuptinmi Davidqa pasaspan filisteokunata vencera-murqa. Filisteokunam paqwayta vencerachikuspanku Davidpa ñawpaqninmanta lluptikurqaku.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.

1~Samuel 26:21

Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.

1~Samuel 26:24

Kunan punchawmi qampa vidaykita llumpay valorniyuqpaq qawaykuni, chayna valorniyuqtayá Tayta Diospas qawaykuchun ñoqapa kawsayniyta, hinaspayá tukuy ñakariymanta libraykuwachun, nispa.