1~Samuel 18:17 - CHUYA QELLQA La Biblia en Quechua de Ayacucho 2012

¹⁷ Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.

Quechua Ayacucho Bible 1987

¹⁷ Huk punchawmi Davidta Saul nirqa: —Ñoqam casarachisqayki Merab sutiyoq mayor warmi churiywan ichaqa ñoqam munachkani mana manchakuspa guerrakunapi Tayta Diospaq peleanaykita —nispa. Saulmi piensachkarqa: —Manam kikiychu Davidtaqa wañuchisaq, paytaqa Filistea runakunayá wañurachimuchun —nispa.

Chuya Qellqa 1992

¹⁷ Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.

1~Samuel 18:17 Iomraidhean Croise

2~Samuel 11:15

Chay cartapim nirqa: Uriasta llumpa-llumpay wañuchinakuypa chawpinman churaruy hinaspa paymanta suchurikuychik, chaynapi wañurachinankupaq, nispa.

2~Samuel 12:9

¿Hinaptinqa imanasqataq kamachikuyniyta qepanchaspayki mana allinta ñawpaqniypi ruwarqanki? Het casta Uriasta wañurachispaykim war-mintapas warmikipaqraq hapikuykunki. Qam kamachiptikim Uriasta Amonpa mirayninkuna guerrapi wañuchirqaku.

2~Samuel 6:16

Jerusalenman Tayta Diospa Arcan chayaruptinmi, Saulpa warmi churin Mical ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

Proverbios 26:24

Cheqnikuq runaqa siminwanmi cheqnikuyninta pakan, sonqonpim ichaqa tukuy mana allinkunata yuyaymanan.

Proverbios 26:25

Kuyakuyllawanña rimapayasuptikipas ama creeychu, sonqonqa mana allinpa huntasqanmi kakuchkan.

Proverbios 26:26

Cheqnikuyninta pakayta munaptinpas, mana allin ruwayninmi runakunapa qayllanpi rikurachikunqa.

Números 21:14

Chayraykum “Tayta Diospa Guerrankuna” nispa sutichasqa libropi nichkan: “Sufá llaqtapi Vaheb lawnintam pasarqaniku, wayqonkunatawan Arnón mayupa patantam rirqaniku.

Números 32:20

Chaymi Moisés nirqa: Chaynaqa, nisqaykichikpi hinayá allinta armakuspa guerrapi peleanaykichikpaq Tayta Diospa ñawpaqninta riychik.

Números 32:27

Ñoqaykuñataqmi llapallayku niwasqaykikuman hina guerrapi peleamunaykupaq allin armasqa Tayta Diospa ñawpaqninta risaqku, nispa.

Números 32:29

Sichum Gadpa chaynataq Rubenpa mirayninkuna guerrapaq armasqa qamkunawan kuska Tayta Diospa ñawpaqninta Jordán mayuta chimpaptinku, chay allpakuna makikichikpiña kaptinqa, Galaad allpatam paykunaman qonkichik.

Deuteronomio 17:7

Chay testigokunam wañuchinankupaq rumiwan chamqayta qallarinqaku. Chaymantañam llapallan runakunapas chamqapanqaku. Chaynatam qamkunamanta tukuy mana allin ruwaqkunata chinkachinkichik.

1~Samuel 14:49

Saulpa qari churinkunam karqa: Jonatán, Isúi hinaspa Malquisúa. Warmi churinkunañataqmi karqa: Piwi kaq Merab, sullkañataq Mical.

1~Samuel 17:25

kaynata ninakurqaku: ¿Qawachkankichikchu wak runata? Wak runaqa lloqsiramun insultawananchikpaqmi. Pipas wañurachiqtaqa, reymi qori-qollqewan apuyachispa warmi churinwan casarachinqa, ayllunkunamantapas manañam impuestota cobran-qañachu, nispanku.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 17:47

Chaynataqmi kay huñunasqa runa-kunapas yachanqaku Tayta Diosqa mana espadallawan nitaq lanzallawan salvasqanta; kay guerraqa Tayta Diospa munayllanpim kachkan, chayraykum qamkunataqa makiykuman hapiykachiwanqaku, nispa.

1~Samuel 18:21

hinaptinmi Saulqa tantearurqa paywanña Davidta casarachiq tukuspa huk trampaman wichiykachiyta, chaynapi Davidta filisteokuna wañurachinanpaq. Chayraykum huktawan Davidta nirqa: Kunanmi ichaqa masayña kanki, nispa.

1~Samuel 18:25

Saulmi munachkarqa Davidqa filisteokunapa makinman wichiykunanta. Chayraykum serviqninkunata nirqa: Davidta nimuychik: Costumbreman hina warmi churinrayku imapas qonaykimantaqa reyqa munachkan enemigon filisteokuna vengakuytam. Reyqa mu-nachkan pachak filisteokunata wañu-chimuspa qari kayninkupa qarachanta payman qonaykitam, nispa.

1~Samuel 18:27

runankunawan David pasarqa, hinaspam iskay pachak filisteokunata wañurachimuspan chay wañuq runakunapa qari kayninpa qarachanta aparqa, chaytam reyman qoykurqa chaynapi masan kananpaq. Chaymi Mical sutiyuq warmi churinwan Davidta Saúl casarachirqa.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.

1~Samuel 30:26

Siclag llaqtaman chayaruspanmi, Davidqa tukuy imapas qechumusqanmanta wakinta Judapi kamachikuq amistadninkunaman apachirqa, kaynata kunaspan: Tayta Diospa enemigonkunamanta qechumusqaytam wakinta qamkunaman apachimuchkaykichik, nispan.