1~Samuel 18:12 - CHUYA QELLQA La Biblia en Quechua de Ayacucho 2012

¹² Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

Quechua Ayacucho Bible 1987

¹² Saulmi manchakururqa Davidta Tayta Dios yanapasqanrayku, Saultañataqmi manaña yanaparqachu.

Chuya Qellqa 1992

¹² Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 18:12 Iomraidhean Croise

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

2~Crónicas 17:3

Tayta Diosmi rey Josafatta yanaparqa, payqa ñawpaq taytan Davidpa kawsasqanta hinam kawsarqa, manam Baal idolokunataqa servirqachu,

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Marcos 6:20

Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa.

Lucas 8:37

Chaymi Gadara lawpi runakuna mancharikuspanku Jesusta ruegarqaku, paykunapa kasqanmanta huklawman pasakunanpaq. Hinaptinmi Jesusqa barcaman qespiykuspan pasakurqa.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 7:9

Jacobpa churinkunam wawqenku Joseymanta envidiakuspanku rantikururqaku, chaymi Egipto nacionman aparurqaku. Ichaqa Diosmi Joseywan karqa,

Jueces 1:19

Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Jueces 16:20

nirqa: ¡Sansón, filisteokuna hawaykipiña! nispa. Sansonñataqmi puñusqanmanta rikchariruspan yuyaymanarqa: Kunanpas wakin kutipi hinam librakurusaq, nispa. Ichaqa manam yacharqachu paymanta Tayta Dios karunchakurusqantaqa.

1~Samuel 16:18

Hinaptinmi huknin serviqnin nirqa: Ñoqam reqsini Belén llaqtayuq Isaipa huknin churinta, paymi allinta arpata tocan; payqa sinchi kallpayuqmi, guerrerom, yachaywan rimakuqmi hinaspa kuyayllapaq jovenmi; Tayta Diosmi paywan kachkan, nispa.

1~Samuel 16:4

Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy, ¿allinpaqchu hamuchkanki? nispa.

1~Samuel 18:15

Chayna tukuy imatapas allinta ruwasqanraykum Saulñataq payta manchakuq.

1~Samuel 18:20

Saulpa huknin warmi churin Micalñataqmi Davidta llumpayta kuyarqa. Chayta Saulman willaykuptinkum allinpaq rikchakarapurqa,

1~Samuel 18:29

Chaymi Saulqa aswan mastaraq Davidta manchakururqa. Chaymantapunim Saulqa wañukunankama Davidpa enemigon rikurirurqa.

1~Samuel 20:13

Taytay mana allin ruway munasusqaykita mana willaykamuptiyqa chaynataq hawkalla ayqekunaykipaq mana yanapaptiyqa, Diosyá llumpayta castigawachun. Diosyá yanapasunki imaynam taytaytapas yanapasqanta hina.

1~Samuel 22:13

Saulñataqmi nirqa: ¿Imanasqataq Isaipa churinwan ñoqapa contraypi hatarirqanki hinaspa tantatapas espadatapas qoykuspayki Diostapas paypaq tapurqankiraq? Chaykunata ruwaspam yanaparqanki contraypi hatarispan kunan hina pakan-pakan wateqawananpaq, nispa.

1~Samuel 28:15

Hinaptinmi Saulta Samuel nirqa: ¿Imanasqataq qayachimuwaspayki churmichawanki? nispa. Saulñataqmi nirqa: Filisteokuna contraypi peleaq hamurusqankuraykum ancha sasachakuypi kachkani. Diosmi ñoqamanta karunchakurun, manañam imallatapas niwanñachu, profetantakamapas nitaq musqoypipas. Chayraykum qayachimurqayki imam ruwanayta niykuwanaykipaq, nispa.

1~Samuel 3:19

Samuelpa wiñasqanman hinam, Tayta Diosqa paywan karqa; payqa manam usuchirqachu nitaqmi yanqacharqachu Diospa Chuya simintapas.