1~Samuel 17:53 - CHUYA QELLQA La Biblia en Quechua de Ayacucho 2012

⁵³ Qatisqankunamanta kutiramuspankuñataqmi, Israel tropakunaqa Filistea tropakunapa campamentonmanta llapa imata apakurqaku.

Quechua Ayacucho Bible 1987

⁵³ Chaynata Filistea runakunata Israel runakuna qatiruspankum kutirimuspankuñataq saquearqaku campamentonkuta.

Chuya Qellqa 1992

⁵³ Qatisqankunamanta kutiramuspankuñataqmi, Israel tropakunaqa Filistea tropakunapa campamentonmanta llapa imata apakurqaku.

1~Samuel 17:53 Iomraidhean Croise

2~Samuel 23:10

Eleazarmi ichaqa sunita sayaykuspa Filistea soldadokunata makinpas utinankama wañuchirqa makinpas espadanman laqakunankama. Tayta Diosmi yanapaykurqa chay punchawpi vencenanpaq, chaymi Israel soldadokunaqa Eleazarpa kasqanman kutirqaku wañuqkunapa llapa imankupas hoqarikuqllaña.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 4:20

Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

1~Samuel 17:52

Israel tropakunawan Judá tropaku-nañataqmi qaparillawanña Filistea tropakunata Gat llaqtakama hinaspa Ecrón llaqtapa punkunkama qatirqaku. Filisteokunapa ayankupas wichi-wichim karqa Saaraim lawmanta qallaykuspa Gatman chaynataq Ecronman rina ñankunakama.

1~Samuel 17:54

Davidñataqmi chay filisteo Goliatpa umanta Jerusalén llaqtakama aparqa, armankunatam ichaqa carpanman churaykurqa.

1~Samuel 19:5

Payqa wañuytapas mana manchakuspam chay filisteo runatapas wañuchirqa. Chaynatam llapallan Israel runakunata Tayta Dios libraykurqa. Chayta qawaspam qampas kusikurqanki. Chaynaqa, ¿imanasqataq inocente runata wañuchiypi riwaq? Amayá munaychu yanqamanta Davidta wañuchiytaqa, nispa.