1~Samuel 17:46 - CHUYA QELLQA La Biblia en Quechua de Ayacucho 2012

⁴⁶ Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.

Quechua Ayacucho Bible 1987

⁴⁶ Kunanpunim qamta Tayta Dios makiyman churanqa, kunanpunitaqmi wañurachispay umaykitapas qorurusaq. Filistea tropakunapa wañusqa aychantañataqmi qarasaq alton pawaq animalkunamanwan purunpi animalkunaman. Chaynapim tukuy hinastinpi llapallan runakuna yachanqaku Israel nacionpa yanapaqninqa Diospuni kasqanta.

Chuya Qellqa 1992

⁴⁶ Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.

1~Samuel 17:46 Iomraidhean Croise

Génesis 40:19

Kimsa punchawmantam Faraón pusachisunki, hinaspam kunkaykimanta sachaman warkuchisunki, chaymi alton pawaq animalkuna aychaykita mikunqa, nispa.

2~Samuel 18:28

Chayaruspanmi Ahimaasqa reyta hatunmanta rimaykuspan ñawpaqninpi pampakama kumukuykuspan nirqa: Yupaychasqayki Tayta Diosyá hatunchasqa kachun, paymi qam reyniypa contranpi hoqarikuqkunata makiykuman churaykamurqa, nispa.

2~Samuel 21:10

Chaymi Ajapa churin Rizpa, luto pachata rumikunapa hawanpi mastaykuspa chaypi waqtapaykurqa, hinaspam cosecha qallariymanta poqoy para chayamunankama ayakunata cuidarqa. Punchawmi alton pawaq animalkuna mikurunanmanta cuidarqa, tutanñataqmi purun animalkunamanta.

1~Reyes 8:43

hanaq pachapi wasikimanta uyariykamuy, hinaspayá chay runapa mañakususqaykiman hina ruwaykuy, chaynapi kay pachapi llapallan runakuna sutikita reqsispanku Israel runaykikuna hina manchakusunaykipaq, chaynapim kay ruwachipusqay templopi sutiki hatunchasqa kasqanta yachanqaku.

1~Reyes 8:60

Chaynapim kay pachapi llapallan runakuna, Señor-ninchik Tayta Diosqa sapallan Dios kasqanta yachanqaku.

2~Reyes 19:19

Dios Taytalláy mañakuykim, qamlla Dios kasqaykita kay pachapi llapallan nacionkuna reqsinankupaq rey Senaqueribmanta salvaykullawayku, nispa.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Isaías 52:10

Tayta Diosmi atiyninta llapallan nacionkunaman qawarichin, tukuy hinastinpi kaqkunam Diosninchik salvawasqanchikta yachanqaku.

Isaías 56:9

Purun animalkuna, montepi manchakuypaq animalkuna, mikuq hamuychik.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 34:20

Chayraykum paykunataqa enemigonkumanña qoykusaq wañuchisqa kanankupaq. Ayankutapas alton pawaq animalkunawan purun animalkunam mikunqa.

Daniel 2:47

Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Mateo 24:28

Maypim ayapa kasqanpim ullachkukunapas huñunakunqaku.

Deuteronomio 28:26

Ullachkukunawan purun animalkuna ayaykichikta mikuptinpas manam pipas manchachinqachu.

Deuteronomio 7:2

Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Deuteronomio 7:23

Kikin Señornikichik Tayta Diosmi chay nacionkunata makikichikman churanqa, hinaspam chinkachinankama pasaypaqta tuñirachinqa.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 4:24

Chaynapi kay pachapi llapallan llaqtakuna Tayta Diospa llumpay atiyninta reqsinankupaq, qamkunapas kawsanaykichik punchawkama Tayta Diosta kasukunaykichikpaq”, nispaykichik.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:44

nirqa: ¡Asuykamuway! Aychaykita alton pawaq animalkunaman chaynataq purun animalkunaman qonaypaq, nispa.