1~Samuel 17:36 - CHUYA QELLQA La Biblia en Quechua de Ayacucho 2012

³⁶ Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

Quechua Ayacucho Bible 1987

³⁶ Leon kaptin otaq ukumari kaptinpas kay sirvientekiqa wañuchiqmi kani. ¡Wak mana señalasqa Filistea runaqariki chay huk kaqnin animal hinallam! ¿Imanasqamá payqa insultan kawsaq Diospa tropantaqa?

Chuya Qellqa 1992

³⁶ Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 17:36 Iomraidhean Croise

2~Crónicas 32:17

Chaywanpas rey Senaqueribqa Israelpa yupaychasqan Tayta Diosmanta burlakuspanmi cartakunata kayna niqta qellqarqa: “Wakin nacionkunapa diosninkupas manam llaqtanta ñoqamanta librayta atirqachu, Ezequiaspa Diosninpas manam ñoqamanta llaqtan libraytaqa atinqachu”, nispa.

Isaías 10:15

¿Yaqachu hacha alabakunman paywan kuchuqmanta masta? ¿Serruchopas hatun tukunmanchu paywan kuchuqninpa contranpi? ¿Kaspimanta tawnaqa yaqachu kamachinman apaqninta?

Isaías 36:15

Sichum Ezequías nisunkichik: “Tayta Diospi hapipakusun, payqa waqaychaykuwasunmi, llaqtanchiktaqa manam Asiria nacionpa reyninmanqa qonqachu nispa”,

Isaías 36:18

Ezequiaswanqa amayá engañachikuychikchu, Tayta Diosmi waqaychawasun nisuptikichikpas. Wakin nacionkunapa diosninkunaqa ¿yaqachu mayqanllanpas nacionnin librayta atirqa Asiria nacionpa reyninmanta?

Ezequiel 28:10

Diosta mana reqsiq runakuna hinam huklaw nacionniyuq runakunapa makinpi wañunki. Ñoqa Tayta Diosmi chaynata nini, ñoqa Tayta Diospa nisqayqa chaynam kanqa.

Ezequiel 32:19

¿Qamqa wakinmantapas aswan kuyayllapaqchu karqanki? Chaynaqa, uraykuspayki Diosta mana reqsiqkunawan kuska chutarayay.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Zacarías 12:3

Chay pun-chawpim Jerusalén llaqtata, llapa nacionkunapa contranpi llasa-llasaq rumita hina ruwarusaq; pipas hoqariy munaqtaqa chay rumim ñuturunqa. Hinaptinmi kay pachapi llapallan llaqtakuna contranpi huñunakunqaku, nispa.

Zacarías 2:8

Tukuy Atiyniyuq Tayta Diosmi, tukuy imaykichiktapas qechusuqnikichik nacionkunaman kayta willamunaypaq kachawarqa: Pipas qamkuna llapchaykuqqa, ñawi ruruytam llapchaykun.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:10

Kunanmi qamkunata nikichik: ¡Hukkaqnikichik hamuchun ñoqawan peleananpaq! nispan.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:35

qepanta qatispaymi siminmanta qechumuq kani, qonqayta kutiriykuwaptinñataqmi kakichunmanta hapiruspay maqachkaspalla wañurachiq kani.

1~Samuel 17:37

Leonmantapas ukumarimantapas libraqniy Tayta Diosmi, wak filisteomantapas librawanqa, nispan. Hinaptinmi Saúl nirqa: Chaynaqa, riyá, Tayta Diosyá qanwan kachun, nispa.

1~Samuel 18:17

Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.

1~Samuel 31:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.