1~Samuel 17:34 - CHUYA QELLQA La Biblia en Quechua de Ayacucho 2012

³⁴ Davidñataqmi nirqa: Kay serviqnikiqa taytaypa ovejankuna michiqmi kani, michisqaypi leonpas otaq ukumaripas ovejayta mikunanpaq apaptinqa,

Quechua Ayacucho Bible 1987

³⁴ Hinaptinmi Davidñataq nirqa: —Kay sirvientekiqa taytaypa ovejankuna michiqmi kani, chayna michichkaptiymi huk leon kaspa otaq ukumari kaspapas ovejayta apakuq atajonmanta.

Chuya Qellqa 1992

³⁴ Davidñataqmi nirqa: Kay serviqnikiqa taytaypa ovejankuna michiqmi kani, michisqaypi leonpas otaq ukumaripas ovejayta mikunanpaq apaptinqa,

1~Samuel 17:34 Iomraidhean Croise

Génesis 31:39

Manataqmi purun animalkunapa puchuntapas apamurqaykichu, chinkaptinpas pagarqaykim, tuta otaq punchaw suwasqamantapas pagachikuwaqmi kanki.

2~Samuel 17:8

Yachankim taytaykipa runankunaqa allinnin qari-qari soldadokuna kasqanta, kunanqa mayna piñasqachiki kachkanku, wawan qechusqa ukumari hinaraq. Taytaykiqa guerrapi peleaq runam, manam runankunawan kuskaqa puñunmanchu.

2~Samuel 23:20

Chaymantam karqa Cabseel llaqtamanta kaq Joiadapa churin Benaía. Paymi Moab nacionniyuq Arielpa iskay allinnin qari-qari churinkunata wañurachirqa. Huk punchawmi lastamuchkaptin huk leonta wañurachirqa yakuta waqaychananku uchkupi.

1~Crónicas 11:22

Cabseel llaqtayuq Joiadapa churin Benaiam allinnin qari-qari runa kaspan hatun ruwaykunata ruwarqa. Paymi Moab nacionniyuq Arielpa iskay allinnin qari-qari churinkunata wañurachirqa. Huk punchawmi ritimuchkaptin uchkuman yaykuruspan huk leonta wañurachirqa.

Ezequiel 34:12

Imaynam huk michiq ovejankuna cheqeruptin maskamun, chaynam ñoqapas ovejaykunata maskamusaq; hinaspaymi tutayaq yana puyupa tapaykusqan punchawpi tukuy hinastinman cheqerusqankumanta libramusaq.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Zacarías 11:16

Kunanmi kay nacionpi huk michiqta churasaq, chinkasqa ovejakunapas paytaqa manam imapas qokunqachu, uñachankunatapas manam maskamunqachu, chaki pakisqakunatapas manam hampiykunqachu, pisipasqakunatapas manam marqarinqachu, aswanmi poqosqan kaqkunata situntawanpas mikurunqa.

Zacarías 9:7

Aycha mikusqantapas yawarnintintam siminmanta qechurusaq, millakuypaq kaqkuna mikusqantapas kirunmantam aysarusaq; chaywanpas paykunamantam wakinta ñoqapaq puchuchisaq, hinaptinmi Judapa partenña kanqaku. Ecrón llaqtapas Jebús llaqta hinaraqmi kanqa.

Lucas 2:8

Belén llaqtapa hichpanpim michiqkuna kachkarqaku, ovejankuta purunpi tukuy tuta cuidaspanku.

Juan 10:11

Ñoqaqa allin michiqmi kani. Allin michiqqa ovejankunaraykum vidanta qon.

Romanos 5:4

pacienciakuyñataqmi allinpaq hapisqa kayta, allinpaq hapisqa kayñataqmi Diosman hapipakuyta;

Hebreos 11:33

Paykunaqa iñiyllawanmi huklaw nacionkunata vencerqaku, mana pimanpas sayapakuspam kamachikurqaku, Dios-pa prometesqankunatam chaskirqaku, leonkunapa simintam wichqarurqaku,

Apocalipsis 13:2

Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.

Jueces 14:6

Chaymi Sansonman Tayta Diospa Espiritun huntaykuptin, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

1~Samuel 17:15

Saulpa campamentonman David riq, hinaspam Belén llaqtaman kutimuq taytanpa ovejankunata michinanpaq.

1~Samuel 17:33

Hinaptinmi Davidta Saúl nirqa: Wak filisteotaqa manam venceyta atiwaqchu, qamqa warmaraqmi kanki, wak filisteom ichaqa joven kayninmantapacha guerrallapi puriq, nispa.

1~Samuel 17:35

qepanta qatispaymi siminmanta qechumuq kani, qonqayta kutiriykuwaptinñataqmi kakichunmanta hapiruspay maqachkaspalla wañurachiq kani.