1~Samuel 17:28 - CHUYA QELLQA La Biblia en Quechua de Ayacucho 2012

²⁸ Davidpa mayor wawqen Eliabmi ichaqa, chay runakunawan rimasqanta uyariruspan Davidpaq piñakurqa, hinaspam nirqa: ¿Imamantaq hamurqanki? ¿Pimantaq aslla ovejakunata saqeramunki? Ñoqaqa yachanim hatun tukuq kaspayki mana allinta sonqoykipi tanteasqaykita. Qamqa hamurqanki guerrata qawakunaykipaqmi, nispa

Quechua Ayacucho Bible 1987

²⁸ Ichaqa Davidpa mayor wawqen Eliabmi chay runakunawan rimasqanta uyariruspan piñakururqa Davidpaq hinaspam nirqa: —¿Imamantaq hamurqanki? ¿Pimantaq saqemurqanki chunniqpi asllapas kaq ovejakunata? Ñoqaqa yachanim hatun tukuq kaspayki mana allin tanteasqaykita. Qamqa hamurqanki guerrapi peleaqkuna qawakuqlla —nispa.

Chuya Qellqa 1992

²⁸ Davidpa mayor wawqen Eliabmi ichaqa, chay runakunawan rimasqanta uyariruspan Davidpaq piñakurqa, hinaspam nirqa: ¿Imamantaq hamurqanki? ¿Pimantaq aslla ovejakunata saqeramunki? Ñoqaqa yachanim hatun tukuq kaspayki mana allin sonqoykipi tanteasqaykita. Qamqa hamurqanki guerrata qawakunaykipaqmi, nispa

1~Samuel 17:28 Iomraidhean Croise

Génesis 37:11

Chaymi Joseymanta wawqenkuna envidiakurqaku, taytanñataqmi chay willasqan mosqoymanta yuyaymanarqa.

Génesis 37:4

Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Génesis 37:8

Chaymi wawqenkuna nirqaku: ¿Qamqa reyniyku kaspachu ñoqaykupi munaychakunki? nispanku. Hinaspam mosqoyninrayku aswanraq cheqnikurqaku.

2~Crónicas 11:18

Rey Roboammi casarakururqa Davidpa willkan Mahalatwan, Maha-latqa karqa Jerimotpa churinmi. Casa-rakurqataqmi Eliabpa churin Abihailwanpas. Eliabqa karqa Isaipa churinmi.

Proverbios 18:19

Piñachisqa runaqa cercosqa llaqta hina mana yaykuy atinam, piñanakuyqa wawqentintapas rejillayuq punku hinam rakinan.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Mateo 10:36

Chaynaqa, runapa enemigonqa kanqa wasinpi kaqkunallam.

Mateo 27:18

Payqa yacharqam Jesustaqa envidiakuspanku entregaykusqankuta.

Marcos 3:21

Jesuspa ayllunkunañataqmi chaypi kasqanta yacharuspanku, “locoyarunmi” niptinku pusanankupaq hamururqaku.

Judas 1:10

Chay runakunam ichaqa mana reqsisqankunatapas ñakaykarinku. Mana entiendekuq animalkuna hinam munasqankuta ruwanku kikinkupa mana allinninkupaq.

1~Samuel 16:13

Chaymi Samuel, waqrapi aceiteta hapiykuspan wawqenkunapa qayllanpi Davidpa umanman talliykurqa; Chay punchawmantam Davidman Diospa Espiritun huntaykurqa. Chaymantam Samuelqa Ramá llaqtaman kutikurqa.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.

1~Samuel 17:29

Davidñataqmi nirqa: ¿Imatañataq ruwaruni? ¿Manachu rimayllapas-rimariyman? nispa.