1~Samuel 17:26 - CHUYA QELLQA La Biblia en Quechua de Ayacucho 2012

²⁶ Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

Quechua Ayacucho Bible 1987

²⁶ Chaymi David ladonpi kaqkunata tapurqa: —¿Imatataq qonqaku kay Filistea runata wañurachispa Israel tropakuna penqaypi kasqankumanta libraqmanqa? ¿Pi hinataq wak mana señalasqa Filistea runaqa kawsaq Diospa tropankunataqa insultan? —nispa.

Chuya Qellqa 1992

²⁶ Chaymi waqtanpi kaqkunata David tapurqa: ¿Imatataq wak filisteo runata wañuchiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:26 Iomraidhean Croise

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

2~Crónicas 32:17

Chaywanpas rey Senaqueribqa Israelpa yupaychasqan Tayta Diosmanta burlakuspanmi cartakunata kayna niqta qellqarqa: “Wakin nacionkunapa diosninkupas manam llaqtanta ñoqamanta librayta atirqachu, Ezequiaspa Diosninpas manam ñoqamanta llaqtan libraytaqa atinqachu”, nispa.

Nehemías 5:9

kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Jeremías 9:25

Tayta Diosmi kaynata nin: Hamuchkanmi punchawkuna, qari kayninkupi señalasqatapas chaynataq mana señalasqatapas;

Jeremías 9:26

Judá naciontapas, Egiptotapas, Amontapas, Edomtapas, Moabtapas hinaspa rinrinkupa ñawpaqnin lawpi kaq chukchanku rutukuqkunatapas chaynataq chunniqpi yachaqkunatapas castiganaypaq. Chay nacionpi kaqkunaqa llapallankum qari kayninkupi mana señalasqa runakuna, Israelpa mirayninkunañataqmi sonqonkupi mana señalasqa runakuna.

Ezequiel 28:10

Diosta mana reqsiq runakuna hinam huklaw nacionniyuq runakunapa makinpi wañunki. Ñoqa Tayta Diosmi chaynata nini, ñoqa Tayta Diospa nisqayqa chaynam kanqa.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 6:27

Paymi salvaqninchikpas chaynataq libraqninchikpas, kay pachapipas hanaq pachapipas payllam milagrokunata ruwan, payllataqmi Danieltapas libraykun leonkunapa mikusqan kananmanta.

Daniel 9:16

Señornillayku, allin ruwaq kasqaykiraykuyá akllakusqayki Jerusalén llaqtaykipa contranpiqa amaña piñakuyñachu nitaq rabiakuyñachu. Huchaykuraykum hinaspa ñawpaq taytaykupa mana allinkuna ruwasqankuraykum Jerusalén llaqtaykiwan runaykikunapas muyuriqniykupi nacionkunapa usuchisqan kachkaniku.

Joel 2:19

Hinaspanmi llaqtanta Tayta Dios kaynata ninqa: Saksanaykichikkama mikunaykichikpaqmi trigota, vinota hinaspa aceiteta apachimuchkaykichik; kunanmantaqa manam nacionkunapa asipayananñachu kankichik.

Deuteronomio 5:26

Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

1~Samuel 11:2

Hinaptinmi Amón casta runakunapa reynin Nahasñataq nirqa: Sapakamapa alleq ñawikichikta hurqonay kaptinmi qamkunawanqa contratota ruwasaq. Chayta ruwaspaymi lliw Israel runakunata penqayman churasaq, nispa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:10

Kunanmi qamkunata nikichik: ¡Hukkaqnikichik hamuchun ñoqawan peleananpaq! nispan.

1~Samuel 17:30

Chaymi Davidqa wawqenmanta asurispan kaqllamanta tapukurqa reypa imam ofrecekusqanmanta, ichaqa llapa runakunaqa hina chaynallatam nirqaku.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 31:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.