1~Samuel 16:7 - CHUYA QELLQA La Biblia en Quechua de Ayacucho 2012

⁷ Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.

Quechua Ayacucho Bible 1987

⁷ Ichaqa Tayta Diosmi Samuelta nirqa: —Amayá allin rikchaynillantachu qawayqa nitaq sayaynillantachu. Paytaqa manam munanichu. Runapa qawasqanqa manam ñoqapa qawasqay hinachu. Runaqa qawan hawallantam, ñoqam ichaqa qawani sonqonta —nispa.

Chuya Qellqa 1992

⁷ Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.

1~Samuel 16:7 Iomraidhean Croise

Génesis 4:5

Cainpa ofrendantam ichaqa mana chaskirqachu, hinaptinmi Caín sinchita piñakururqa rikchayninpas hukmanyanankama.

2~Samuel 14:25

Israel nacionpiqa manam pipas Absalón hina ancha kuyayllapaqqa karqachu. Payqa chaki pampanmanta uma puyukninkama kuyayllapaqmi karqa.

2~Samuel 7:20

Dios Taytalláy, ¿imatawanraqtaq nikiman? Kay serviqnikitaqa qanmi reqsiwanki.

1~Reyes 8:39

hanaq pachapi wasikimanta uyariykamuspa pampachaykuy. Hinaspayá sapakamaman imaynam kawsasqankuman hina pagaykapuy, qamllam llapa runapa son-qontaqa reqsinki.

1~Crónicas 17:18

¿Imatawanraqtaq nikiman kay serviqnikita hatunchasqaykimanta? Kay serviqnikitaqa qanmi reqsiwanki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 16:9

Tayta Diosqa kay pachapi tukuy ima pasakusqantam qawamuchkan, chaynapi paypa qayllanpi allin sonqoyuqkunaman atiyninta qawachinanpaq. Loco hinam kaykunataqa ruwarunki, kunanmantaqa guerrallañam qampa contraykipi kanqa, nispa.

2~Crónicas 6:30

hanaq pacha yachasqaykimanta uyariykamuspam, pampachaykuspayki imam ruwasqankuman hina qoykapunki, qamllam llapa runakunapa sonqontaqa reqsinki.

Jobwan Sutichasqa Libro 10:4

Qamqa manam imatapas runakuna hinachu qawanki.

Jobwan Sutichasqa Libro 35:5

Cielota qawariy, puyukunaqa qanmantapas aswan altopim kachkan.

Proverbios 15:11

Wañuywan wañusqakunapa kasqanpas Tayta Diospa qayllanpim kachkan, aswanraqmi runakunapa imaynam kawsasqanqa paypa rikusqallan kachkan.

Proverbios 16:2

Runapaqqa imaña ruwasqanpas allinpaqmi rikchakapun, chaywanpas Tayta Diosmi runapa imam tanteasqanta juzganqa.

Proverbios 24:12

“Ñoqaqa manam yacharqanichu” niptikipas juzgasuqnikiqa yacharunqam, imaynam kawsasqaykita qawasuqnikiqa reqsirunqam, sapakamaman ruwayninman hina pagaqmi musyarunqa. -26-

Proverbios 31:30

Kuyayllapaq kaywan buenamoza kayqa tukuruqllam, Tayta Diosta respetaq warmim ichaqa alabasqa kanqa.

Jeremías 11:20

Tukuy Atiyniyuq Dios Taytalláy, qamqa mana pimanpas sayapakuq juezmi kanki, runapa yuyaymanayninkunatawan tukuy sonqontam reqsinki. Paykuna vengakusqaykita qawaykachiway, qanmanmi kay sasachakuyniyta willakamuyki.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 20:12

Tukuy Atiyniyuq Dios Taytalláy allin ruwaq runakunapa sonqontam reqsinki, runapa yuyaymanaynintam reqsinki, paykunamanta vengakusqaykita qawachiway, qanmanmi kay sasachakuyniykunata willakamuyki.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Juan 7:24

Amayá qawasqaykichikman hinallachu juzgaychikqa, aswanqa ama pimanpas sayapakuspayá allin arreglota ruwaychik, nispa.

Juan 8:15

Qamkunaqa aychaman hinallam juzgankichik. Ñoqaqa manam pitapas juzganichu.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

2~Corintios 10:7

Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

1~Pedro 3:4

Aswanqa suma-sumaq kaynikichikqa sonqoykichikmantayá lloqsimuchun, chayna hawkalla kawsakuspam llampu sonqo espirituyuq kankichik, chayna kawsakuymi Diospa qayllanpiqa anchapas allin.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

1~Samuel 2:3

Amayá pipas rimachunchu hatun tukuspaqa, amayá pipas alabakuchunchu llumpaytaqa, Tayta Diosmi yachan runapa tukuy allin mana allin ruwasqanta.

1~Samuel 9:2

Cispa churinmi karqa Saúl, kuyayllapaq joven, Israel ukupiqa manam pipas pay hina sumaq rikchayniyuq hatunkaray runaqa karqachu, hombronkamallam haypaqku llapa runakunapas.