1~Samuel 16:4 - CHUYA QELLQA La Biblia en Quechua de Ayacucho 2012

⁴ Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy, ¿allinpaqchu hamuchkanki? nispa.

Quechua Ayacucho Bible 1987

⁴ Chaynapimá Samuelqa lliwta rurarqa Tayta Diospa kamachisqanman hina. Belen llaqtaman Samuel chayaruptinmi chay llaqtayoq autoridadkuna payta chaskinankupaq mancharisqallaña lloqsimurqaku hinaspam tapurqaku: —¿Allinpaqchu hamuchkanki taytáy? —nispa.

Chuya Qellqa 1992

⁴ Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy ¿Allinpaqchu hamuchkanki? nispa.

1~Samuel 16:4 Iomraidhean Croise

Génesis 35:19

Raquel wañukuptinmi Efrata llaqtaman riq ñanpi pamparurqaku. Efratapa huknin sutinqa Belenmi.

Génesis 48:7

Pada-narammanta kutimuchkaptiymi mamayki Raquel wañukurqa, Canaán law Efrata llaqtaman riq ñanpa hichpanpi, chaypim pampamurqani. Chay Efrata llaqtapa huknin sutinqa Belenmi, nispa.

2~Samuel 6:9

Chaynapim Tayta Diosta manchakuspan Davidqa chay punchaw kaynata nirqa: “Manañam Diospa Arcantaqa apaymanchu”, nispa.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

1~Reyes 2:13

Chaymantam Salomonpa maman Betsabeyman Haguitpa wawan Adonías rirqa, chaymi Betsabé nirqa: ¿Allin sonqowanchu hamuchkanki? nispa. Adoniasñataqmi nirqa: Arí, allinllam, nispa.

2~Reyes 9:22

Jehuta rikuruspanmi Joram nirqa: ¿Hawkayaypichu hamuchkanki? nispa. Chaymi Jehuñataq nirqa: ¿Ima hawkayaytataq aparamusqayki, mamayki Jezabelpas tukuy rikchaq idolokunata qatispa brujeriakunata ruwachkaptinqa? nispa.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 6:5

Chayraykum qamkunataqa profetaykunawan qaqchachirqaykichik, rimayniywanmi wañuchirqaykichik. Justicia ruwayniyqa achkiy hinam lloqsimunqa.

Lucas 2:4

Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

Lucas 8:37

Chaymi Gadara lawpi runakuna mancharikuspanku Jesusta ruegarqaku, paykunapa kasqanmanta huklawman pasakunanpaq. Hinaptinmi Jesusqa barcaman qespiykuspan pasakurqa.

1~Samuel 21:1

Davidmi Nob llaqtapi sacerdote Ahimelecpa kasqanman chayarurqa, chaymi Ahimelecqa mancharisqallaña lloqsimuspan Davidta tapurqa: ¿Imanasqataq sapallayki hamuchkanki? nispa.